עריכת הדף "תבנית:ספר יואל/יואל פרק ד"

{{יישור טקסט|שני הצדדים|
'''{{עוגן|פסוק א|א:}}''' כִּי הִנֵּה בַּיָּמִים הָהֵמָּה וּבָעֵת הַהִיא אֲשֶׁר אשוב אָשִׁיב אֶת שְׁבוּת יְהוּדָה וִירוּשָׁלָ͏ִם:

'''{{עוגן|פסוק ב|ב:}}''' וְקִבַּצְתִּי אֶת כׇּל הַגּוֹיִם וְהוֹרַדְתִּים אֶל עֵמֶק יְהוֹשָׁפָט וְנִשְׁפַּטְתִּי עִמָּם שָׁם עַל עַמִּי וְנַחֲלָתִי יִשְׂרָאֵל אֲשֶׁר פִּזְּרוּ בַגּוֹיִם וְאֶת אַרְצִי חִלֵּקוּ:

'''{{עוגן|פסוק ג|ג:}}''' וְאֶל עַמִּי יַדּוּ גוֹרָל וַיִּתְּנוּ הַיֶּלֶד בַּזּוֹנָה וְהַיַּלְדָּה מָכְרוּ בַיַּיִן וַיִּשְׁתּוּ:

'''{{עוגן|פסוק ד|ד:}}''' וְגַם מָה אַתֶּם לִי צֹר וְצִידוֹן וְכֹל גְּלִילוֹת פְּלָשֶׁת הַגְּמוּל אַתֶּם מְשַׁלְּמִים עָלָי וְאִם גֹּמְלִים אַתֶּם עָלַי קַל מְהֵרָה אָשִׁיב גְּמֻלְכֶם בְּרֹאשְׁכֶם:

'''{{עוגן|פסוק ה|ה:}}''' אֲשֶׁר כַּסְפִּי וּזְהָבִי לְקַחְתֶּם וּמַחֲמַדַּי הַטֹּבִים הֲבֵאתֶם לְהֵיכְלֵיכֶם:

'''{{עוגן|פסוק ו|ו:}}''' וּבְנֵי יְהוּדָה וּבְנֵי יְרוּשָׁלַ͏ִם מְכַרְתֶּם לִבְנֵי הַיְּוָנִים לְמַעַן הַרְחִיקָם מֵעַל גְּבוּלָם:

'''{{עוגן|פסוק ז|ז:}}''' הִנְנִי מְעִירָם מִן הַמָּקוֹם אֲשֶׁר מְכַרְתֶּם אֹתָם שָׁמָּה וַהֲשִׁבֹתִי גְמֻלְכֶם בְּרֹאשְׁכֶם:

'''{{עוגן|פסוק ח|ח:}}''' וּמָכַרְתִּי אֶת בְּנֵיכֶם וְאֶת בְּנוֹתֵיכֶם בְּיַד בְּנֵי יְהוּדָה וּמְכָרוּם לִשְׁבָאיִם אֶל גּוֹי רָחוֹק כִּי יְ-הֹוָה דִּבֵּר:

'''{{עוגן|פסוק ט|ט:}}''' קִרְאוּ זֹאת בַּגּוֹיִם קַדְּשׁוּ מִלְחָמָה הָעִירוּ הַגִּבּוֹרִים יִגְּשׁוּ יַעֲלוּ כֹּל אַנְשֵׁי הַמִּלְחָמָה:

'''{{עוגן|פסוק י|י:}}''' כֹּתּוּ אִתֵּיכֶם לַחֲרָבוֹת וּמַזְמְרֹתֵיכֶם לִרְמָחִים הַחַלָּשׁ יֹאמַר גִּבּוֹר אָנִי:

'''{{עוגן|פסוק יא|יא:}}''' עוּשׁוּ וָבֹאוּ כׇל הַגּוֹיִם מִסָּבִיב וְנִקְבָּצוּ שָׁמָּה הַנְחַת יְ-הֹוָה גִּבּוֹרֶיךָ:

'''{{עוגן|פסוק יב|יב:}}''' יֵעוֹרוּ וְיַעֲלוּ הַגּוֹיִם אֶל עֵמֶק יְהוֹשָׁפָט כִּי שָׁם אֵשֵׁב לִשְׁפֹּט אֶת כׇּל הַגּוֹיִם מִסָּבִיב:

'''{{עוגן|פסוק יג|יג:}}''' שִׁלְחוּ מַגָּל כִּי בָשַׁל קָצִיר בֹּאוּ רְדוּ כִּי מָלְאָה גַּת הֵשִׁיקוּ הַיְקָבִים כִּי רַבָּה רָעָתָם:

'''{{עוגן|פסוק יד|יד:}}''' הֲמוֹנִים הֲמוֹנִים בְּעֵמֶק הֶחָרוּץ כִּי קָרוֹב יוֹם יְ-הֹוָה בְּעֵמֶק הֶחָרוּץ:

'''{{עוגן|פסוק טו|טו:}}''' שֶׁמֶשׁ וְיָרֵחַ קָדָרוּ וְכוֹכָבִים אָסְפוּ נׇגְהָם:

'''{{עוגן|פסוק טז|טז:}}''' וַי-הֹוָה מִצִּיּוֹן יִשְׁאָג וּמִירוּשָׁלַ͏ִם יִתֵּן קוֹלוֹ וְרָעֲשׁוּ שָׁמַיִם וָאָרֶץ וַי-הֹוָה מַחֲסֶה לְעַמּוֹ וּמָעוֹז לִבְנֵי יִשְׂרָאֵל:

'''{{עוגן|פסוק יז|יז:}}''' וִידַעְתֶּם כִּי אֲנִי יְ-הֹוָה אֱ-לֹהֵיכֶם שֹׁכֵן בְּצִיּוֹן הַר קׇדְשִׁי וְהָיְתָה יְרוּשָׁלַ͏ִם קֹדֶשׁ וְזָרִים לֹא יַעַבְרוּ בָהּ עוֹד:

'''{{עוגן|פסוק יח|יח:}}''' וְהָיָה בַיּוֹם הַהוּא יִטְּפוּ הֶהָרִים עָסִיס וְהַגְּבָעוֹת תֵּלַכְנָה חָלָב וְכׇל אֲפִיקֵי יְהוּדָה יֵלְכוּ מָיִם וּמַעְיָן מִבֵּית יְ-הֹוָה יֵצֵא וְהִשְׁקָה אֶת נַחַל הַשִּׁטִּים:

'''{{עוגן|פסוק יט|יט:}}''' מִצְרַיִם לִשְׁמָמָה תִהְיֶה וֶאֱדוֹם לְמִדְבַּר שְׁמָמָה תִּהְיֶה מֵחֲמַס בְּנֵי יְהוּדָה אֲשֶׁר שָׁפְכוּ דָם נָקִיא בְּאַרְצָם:

'''{{עוגן|פסוק כ|כ:}}''' וִיהוּדָה לְעוֹלָם תֵּשֵׁב וִירוּשָׁלַ͏ִם לְדוֹר וָדוֹר:

'''{{עוגן|פסוק כא|כא:}}''' וְנִקֵּיתִי דָּמָם לֹא נִקֵּיתִי וַי-הֹוָה שֹׁכֵן בְּצִיּוֹן:
}}

<noinclude>[[קטגוריה:תבניות ספר יואל]]</noinclude>