עריכת הדף "בשורת הגאולה יט" (פסקה)

{{בשורת הגאולה}}
"כימי צאתך מארץ מצרים אראנו נפלאות"<ref name=":0">מיכה ז, טו.</ref>:

יעדערער קען זען בגלוי ווי די נסים פון יציאת מצרים שפיגלען זיך אָפּ איצטער אין דעם נצחון בימינו אלו – סיי אין דעם עצם נצחון און סיי אין דעם זמן ווען דאָס קומט פאָר, ובמיוחד – אין די ימים זכאין פון חודש ניסן:

. . . נאָך פֿאַר חג הפסח – איז געווען דער "למכה מצרים בבכוריהם"<ref name=":1">תהלים קלו, י. וראה מדרש תהלים שם. רש"י ומצו"ד שם.</ref>, אז די "בכורים" פון אומות העולם<ref name=":2">והרי כל המלכויות נקראות על שם '''מצרים''' (ב"ר פט"ז, ד).</ref> (כולל פון מדינת מצרים און די מדינות ערביים הסמוכות לה) – כפי החלטת באי כחם אין די "יונייטעד ניישענס" – האָבן מלחמה געהאַט און געשלאָגן "מצרים", אַ צורר היהודים, (מצרים מלשון<ref name=":3">ב"ר שם.</ref>) "מיצר" לישראל ר"ל,

וביום הפורים שנה זו – "שנת אראנו נפלאות" – איז געווען דער נצחון (ווי די אוה"ע האָבן מכריז געווען), און זיין מפלה, באופן פון "למכה גו'" (ניט "להורג"), און דוקא דורך ניט־אידן ("בכוריהם"), וועלכע האבן אים נוזף און מבזה געווען, און מכריח געווען אַז ער דאַרף חרטה האָבן פון פעולותיו עד אז,

און ער האָט געמוזט מודה זיין און אָננעמען און מקיים זיין די אַלע ציוויים והוראות און פאָדערונגען וואָס ער האָט באַקומען פון "בכוריהם": באפרייען אַ טייל פון די מלחמה־געפאנגענע, און אויך מקיים זיין די אַנדערע זאכן וואס מ'האט פון אים געפֿאָדערט.

און דערנאָך איז געווען דער המשך בזה – אין חודש ניסן, און דעמולט גופא – בימי הפסח, "זמן חירותנו" – אז "בכוריהם" אין די "יונייטעד ניישענס" האָבן ממשיך געווען אין דער נזיפה ובזיון שלו:

בימי הפורים ולאחרי זה האָט מען נאך ניט געוואוסט וואָס וועט זיין דער המשך, ווי ווייט מ'וועט אים מבזה ומזיק זיין, ווי שטאַרק ער וועט בלייבן, וויפל ער וועט דאַרפן מודה זיין און אָפּצאָלן, און ווי ער וועט דאָס אַלץ אננעמען, אָדער דאָס וועט זיין דורך אַנדערע; דערנאָך בימי חודש ניסן, בימי הפסח – זיינען "בכוריהם" אַרויס מיט אַ נזיפה חזקה און אַ החלטה למסקנא ותנאים חזקים (נוסף אויף די הוראות שלפני זה) ווי סאַדאַס דאַרף זיך אויפפירן, און אויך זעען און פאַרזיכערן אַז ער זאָל דאָס מקיים זיין: באפרייען די שבויים, אומקערן דאָס וואָס ער האָט צוגענומען, און אפּצאָלן פאַר די נזקים און היזקות וואָס ער האָט איצטער געטאָן (און אויך אויף דעם וואס ער האָט פריער געטאָן),

ובהמשך ימי החודש, ביז אין די לעצטע טעג פון דעם חודש, איז אין דעם נס צוגעקומען נאָכמער – אַז ער האָט דערצו אַלץ מסכים געווען, און אן קיין ווידערשטאנד און מלחמה,

ביז אַז ער האָט מגלה געווען געלטער און רכושים וואָס ער האָט באַהאַלטן (און ביז איצטער האט מען גאר ניט געוואוסט אַז ער האָט דאָס געהאַט).

. . . נאָך אַן ענין אין די געשעענישן בזמן האחרון אין וועלכן מ'זעט נסים ונפלאות – איז די יציאה פון אַ ריבוי אידן ממדינה ההיא, וועלכע איז בדוגמת יציאת מצרים:

לאחרי אַ ריבוי שנים פון אַ הנהגה באופן אחר לגמרי, אין וועלכע אידן האבן פון דאָרטן ניט געקענט אַרויסגיין – איז דוקא בשנה זו ובשנה שלפני האָט די מדינה אויפגעעפנט אירע טירן צו אַרויסלאזן אידן זיי זאלן גיין אין ארץ הקודש [און אפילו אויב, מאיזה סיבה שתהי', האָבן אַ טייל פון זיי זיך מתעכב געווען אין אַנדערע מדינות לפי שעה (אין ארצות הברית אָדער אוסטראליא וכיו"ב) וועלן זיי בקרוב זיך איבערטראָגן (ברצון שלם ומתוך שמחה וטוב לבב) אין ארץ הקודש, צוזאַמען מיט זייערע משפחות].

און ביז אַז די מדינה אַליין איז זיי מסייע צו אַרויסגיין, בדוגמא ווי ס'איז געווען ביציאת מצרים, וואָס תכליתה איז געווען צו גיין אין ארץ הקודש (והבאתי אתכם אל הארץ גו'<ref name=":4">ווארא ו, ח.</ref>),

כולל אויך – סיוע פון די דברים גנוזים פון "מצרים" (כנ"ל), אַז מינוצט דאָס אויך, ביז אַז אַ טייל דערפון – און אויך פון אַנדערע געלטער פון אַנדערע מדינות – קומט אן צו אידן, אחינו בני ישראל וואָס זיינען ערשט ארויס (און גייען איצט ארויס) ב"יציאת מצרים", פון "מצרים" (מלשון מיצרים וגבולים<ref name=":5">ראה תו"א וארא נז, ב ואילך. בשלח סד, א־ב. יתרו עא, ג ואילך. ובכ"מ.</ref>) פון מדינה ההיא, בדוגמא ווי ס'איז געווען ביציאת מצרים בפעם הראשונה, אז "וינצלו את מצרים"<ref name=":6">בא יב, לו.</ref>, ביז אַז "אף מה שלא היו שואלים היו נותנים להם"<ref name=":7">פרש"י שם. ממכילתא עה"פ.</ref>, און אויך די דברים גנוזים"<ref name=":8">ראה שמו"ר פי"ד, ג. ועוד.</ref>.

. . . ויהי רצון אַז דער אויבערשטער זאָל העלפן יעדער איד ער זאָל האָבן די "עינים לראות ו(במילא) אזנים לשמוע", און "לב לדעת"<ref name=":9">תבוא כט, ג.</ref> – צו זען "המסות הגדולות אשר ראו '''עיניך''' האותות והמופתים הגדולים ההם"<ref name=":10">שם, ב.</ref>, די נסים גלויים וואָס קומען פאר בכל יום,

ובפרט אז מ'האַלט שוין נאָך די "ארבעים שנה"<ref name=":11">ולהעיר שכבר עברו ארבעים שנה מעת הסתלקות כ"ק מו"ח אדמו"ר בשנת ה'שי"ת. כמדובר כמ"פ.</ref> זיין במדבר העמים (פון גלות), אין אַ מצב פון "(ארבעים שנה) אקוט בדור"<ref name=":12">תהלים צה, י.</ref>, און מ'האַלט שוין בא "יבואון אל מנוחתי"<ref name=":13">שם, יא.</ref>, אין ארץ הקודש וירושלים<ref name=":14">פרש"י שם.</ref>, ביז "שלם", שלימות המנוחה – בגאולה האמיתית והשלימה.

איז פאַרשטאַנדיק, אַז אידן זיינען שוין דערצו גרייט, און האָבן שוין דעם "לב לדעת ועינים לראות ואזנים לשמוע" [אַזוי ווי ס'איז געווען בארבעים השנה נאָך יציאת מצרים, וואָס כימי צאתך מארץ מצרים אראנו נפלאות].

(משיחת אור ליום ד' פ' שמיני, כ"ו ניסן תנש"א)