עריכת הדף "בשורת הגאולה לא" (פסקה)

{{בשורת הגאולה}}
לויט אַלע סימני הגאולה האַלט מען שוין ממש באַ דער גאולה, ווי כ"ק מו"ח אדמו"ר האָט מודיע, מפרסם און מכריז געווען, אַז מ'האט שוין אַלץ פֿאַרענדיקט, כולל אויך "צופוצן די קנעפ"<ref name=":0">ראה שיחת שמח"ת תרפ"ט.</ref>, און אויך פאַרענדיקט דעם "עמדו הכן כולכם"<ref name=":1">ראה אגרות קודש אדמו"ר מהוריי"צ ח"ד ע' רעט. וראה "היום יום" טו טבת.</ref>, דאָס הייסט אז ס'איז שוין "הכל מוכן לסעודה"<ref name=":2">ל' המשנה – אבות פ"ג מט"ז.</ref>, און מ'איז שוין גרייט צוגיין צום טיש, און עסן סעודת לויתן ושור הבר, ווארום "הנה זה (משיח) בא"<ref name=":3">שה"ש ב, ח. ובשהש"ר עה"פ.</ref>, תיכף ומיד ממש!

<nowiki>*</nowiki> * *

ובאותיות פשוטות: שטייענדיק קרוב גלייך פֿאַר דער גאולה - דאַרף יעדער איך זיך איינגעוואוינען צו דער גאולה און זיך אַריינשטעלן אין אַ מצב ורגש של גאולה, דורך מאַכן זיין פרטיות'דיקן טאָג אַ "גאולה (פרטית) טאָג", און מאַכן זיין מקום פרטי – "ארץ ישראל", דורך דעם וואס ער טוט די עבודה שלו ברגע זה ובמקום זה בתכלית השלימות, במחשבה דיבור ומעשה.

און אַלס אַ תוצאה פון די אייגענע שלימות העבודה (במחשבה דיבור ומעשה) – דאַרף זיך דאָס אויך אַרויסזאָגען אין זיין דיבור, ע"ד ווי "הגורל הי' מדבר", אַז וויבאלד ער איז דורכגענומען בפנימיות מיט דער הוראה ועבודה פון "מאַך דאָ ארץ ישראל"<ref name=":4">ראה אגרות קודש אדמו"ר מהוריי"צ ח"א ע' תפה ואילך.</ref>, מיט אַן אינערלעכע לעבעדיקייט – רעדט ער וועגן דעם מיט חיות אויך צו אַנדערע, און איז מפרסם די הוראה פון "מאַך דאָ ארץ ישראל" בא בני ביתו, באַ די קרובים אליו, ועאכו"כ באַ זיינע תלמידים, ביז אַז ער רעדט וועגן דעם מיט די אַלע צו וועמען ער קען דערגרייכן, און וויבאלד אַז דאָס קומט פון זיין פנימיות, רעדט ער דברים היוצאים מן הלב וואָס נכנסים אל הלב<ref name=":5">ספר הישר לר"ת סי"ג. הובא בשל"ה סט, א.</ref> ופועלים פעולתם, ועאכו"כ דורך דעם וואס ער באַווייזט אַ דוגמא חי' פון זיין אייגענע עבודה. ביז אַז ער מאַכט אַז אויך די שומעים ווערן מדברים – "הגורל הי' מדבר".

(משיחות ש"פ פנחס, מבה"ח מנחם־אב, כ"ד תמוז תנש"א)