הצגת המקור של הדף "תהלים פרק קמז"

{{תהלים}}
{{יישור טקסט|שני הצדדים|
'''א:''' הַלְלוּיָ־הּ כִּי טוֹב זַמְּרָה אֱ־לֹהֵינוּ כִּי נָעִים נָאוָה תְהִלָּה.

'''ב:''' בּוֹנֵה יְרוּשָׁלִַם ה' נִדְחֵי יִשְׂרָאֵל יְכַנֵּס.

'''ג:''' הָרֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָם.

'''ד:''' מוֹנֶה מִסְפָּר לַכּוֹכָבִים לְכֻלָּם שֵׁמוֹת יִקְרָא.

'''ה:''' גָּדוֹל אֲדוֹנֵינוּ וְרַב כֹּחַ לִתְבוּנָתוֹ אֵין מִסְפָּר.

'''ו:''' מְעוֹדֵד עֲנָוִים ה' מַשְׁפִּיל רְשָׁעִים עֲדֵי אָרֶץ.

'''ז:''' עֱנוּ לַי־הוָה בְּתוֹדָה זַמְּרוּ לֵא־לֹהֵינוּ בְכִנּוֹר.

'''ח:''' הַמְכַסֶּה שָׁמַיִם בְּעָבִים הַמֵּכִין לָאָרֶץ מָטָר הַמַּצְמִיחַ הָרִים חָצִיר.

'''ט:''' נוֹתֵן לִבְהֵמָה לַחְמָהּ לִבְנֵי עֹרֵב אֲשֶׁר יִקְרָאוּ.

'''י:''' לֹא בִגְבוּרַת הַסּוּס יֶחְפָּץ לֹא בְשׁוֹקֵי הָאִישׁ יִרְצֶה.

'''יא:''' רוֹצֶה ה' אֶת יְרֵאָיו אֶת הַמְיַחֲלִים לְחַסְדּוֹ.

'''יב:''' שַׁבְּחִי יְרוּשָׁלִַם אֶת ה' הַלְלִי אֱ־לֹהַיִךְ צִיּוֹן.

'''יג:''' כִּי חִזַּק בְּרִיחֵי שְׁעָרָיִךְ בֵּרַךְ בָּנַיִךְ בְּקִרְבֵּךְ.

'''יד:''' הַשָּׂם גְּבוּלֵךְ שָׁלוֹם חֵלֶב חִטִּים יַשְׂבִּיעֵךְ.

'''טו:''' הַשֹּׁלֵחַ אִמְרָתוֹ אָרֶץ עַד מְהֵרָה יָרוּץ דְּבָרוֹ.

'''טז:''' הַנֹּתֵן שֶׁלֶג כַּצָּמֶר כְּפוֹר כָּאֵפֶר יְפַזֵּר.

'''יז:''' מַשְׁלִיךְ קַרְחוֹ כְפִתִּים לִפְנֵי קָרָתוֹ מִי יַעֲמֹד

'''יח:''' יִשְׁלַח דְּבָרוֹ וְיַמְסֵם יַשֵּׁב רוּחוֹ יִזְּלוּ מָיִם.

'''יט:''' מַגִּיד דְּבָרָו לְיַעֲקֹב חֻקָּיו וּמִשְׁפָּטָיו לְיִשְׂרָאֵל.

'''כ:''' לֹא עָשָׂה כֵן לְכָל גּוֹי וּמִשְׁפָּטִים בַּל יְדָעוּם הַלְלוּיָ־הּ.
}}

== קישורים חיצוניים ==
* [https://chabadpedia.co.il/index.php/%D7%AA%D7%94%D7%9C%D7%99%D7%9D_%D7%A7%D7%9E%22%D7%96 תהלים פרק קמ"ז] {{חפ}}
* [https://www.hebrewbooks.org/pdfpager.aspx?req=32596&st=&pgnum=176&hilite תצלום המזמור מתוך תהלים אהל יוסף יצחק] {{הב}}

[[קטגוריה:תהלים]]