נסיעה לרבי: יצירת דף עם התוכן "{{יישור טקסט|שני הצדדים| ה'''{{עוגן|פסוק א|א:}}''' וַיְהִי דְבַר יְ-הֹוָה אֵלַי לֵאמֹר: '''{{עוגן|פסוק ב|ב:}}''' בֶּן אָדָם אֱמֹר לִנְגִיד צֹר כֹּה אָמַר אֲ-דֹנָי יֱ-הֹוִה יַעַן גָּבַהּ לִבְּךָ וַתֹּאמֶר אֵל אָנִי מוֹשַׁב אֱ-לֹהִים יָשַׁבְתִּי בְּלֵב יַמִּים וְאַ..."

2026-04-20T13:47:15Z

יצירת דף עם התוכן "{{יישור טקסט|שני הצדדים| ה'''{{עוגן|פסוק א|א:}}''' וַיְהִי דְבַר יְ-הֹוָה אֵלַי לֵאמֹר: '''{{עוגן|פסוק ב|ב:}}''' בֶּן אָדָם אֱמֹר לִנְגִיד צֹר כֹּה אָמַר אֲ-דֹנָי יֱ-הֹוִה יַעַן גָּבַהּ לִבְּךָ וַתֹּאמֶר אֵל אָנִי מוֹשַׁב אֱ-לֹהִים יָשַׁבְתִּי בְּלֵב יַמִּים וְאַ..."

דף חדש

{{יישור טקסט|שני הצדדים|
ה'''{{עוגן|פסוק א|א:}}''' וַיְהִי דְבַר יְ-הֹוָה אֵלַי לֵאמֹר:

'''{{עוגן|פסוק ב|ב:}}''' בֶּן אָדָם אֱמֹר לִנְגִיד צֹר כֹּה אָמַר אֲ-דֹנָי יֱ-הֹוִה יַעַן גָּבַהּ לִבְּךָ וַתֹּאמֶר אֵל אָנִי מוֹשַׁב אֱ-לֹהִים יָשַׁבְתִּי בְּלֵב יַמִּים וְאַתָּה אָדָם וְלֹא אֵל וַתִּתֵּן לִבְּךָ כְּלֵב אֱ-לֹהִים:

'''{{עוגן|פסוק ג|ג:}}''' הִנֵּה חָכָם אַתָּה מדנאל מִדָּנִיֵּאל כׇּל סָתוּם לֹא עֲמָמוּךָ:

'''{{עוגן|פסוק ד|ד:}}''' בְּחׇכְמָתְךָ וּבִתְבוּנָתְךָ עָשִׂיתָ לְּךָ חָיִל וַתַּעַשׂ זָהָב וָכֶסֶף בְּאוֹצְרוֹתֶיךָ:

'''{{עוגן|פסוק ה|ה:}}''' בְּרֹב חׇכְמָתְךָ בִּרְכֻלָּתְךָ הִרְבִּיתָ חֵילֶךָ וַיִּגְבַּהּ לְבָבְךָ בְּחֵילֶךָ:

'''{{עוגן|פסוק ו|ו:}}''' לָכֵן כֹּה אָמַר אֲ-דֹנָי יֱ-הֹוִה יַעַן תִּתְּךָ אֶת לְבָבְךָ כְּלֵב אֱ-לֹהִים:

'''{{עוגן|פסוק ז|ז:}}''' לָכֵן הִנְנִי מֵבִיא עָלֶיךָ זָרִים עָרִיצֵי גּוֹיִם וְהֵרִיקוּ חַרְבוֹתָם עַל יְפִי חׇכְמָתֶךָ וְחִלְּלוּ יִפְעָתֶךָ:

'''{{עוגן|פסוק ח|ח:}}''' לַשַּׁחַת יוֹרִדוּךָ וָמַתָּה מְמוֹתֵי חָלָל בְּלֵב יַמִּים:

'''{{עוגן|פסוק ט|ט:}}''' הֶאָמֹר תֹּאמַר אֱ-לֹהִים אָנִי לִפְנֵי הֹרְגֶךָ וְאַתָּה אָדָם וְלֹא אֵל בְּיַד מְחַלְלֶיךָ:

'''{{עוגן|פסוק י|י:}}''' מוֹתֵי עֲרֵלִים תָּמוּת בְּיַד זָרִים כִּי אֲנִי דִבַּרְתִּי נְאֻם אֲ-דֹנָי יֱ-הֹוִה:

'''{{עוגן|פסוק יא|יא:}}''' וַיְהִי דְבַר יְ-הֹוָה אֵלַי לֵאמֹר:

'''{{עוגן|פסוק יב|יב:}}''' בֶּן אָדָם שָׂא קִינָה עַל מֶלֶךְ צוֹר וְאָמַרְתָּ לּוֹ כֹּה אָמַר אֲ-דֹנָי יֱ-הֹוִה אַתָּה חוֹתֵם תׇּכְנִית מָלֵא חׇכְמָה וּכְלִיל יֹפִי:

'''{{עוגן|פסוק יג|יג:}}''' בְּעֵדֶן גַּן אֱ-לֹהִים הָיִיתָ כׇּל אֶבֶן יְקָרָה מְסֻכָתֶךָ אֹדֶם פִּטְדָה וְיָהֲלֹם תַּרְשִׁישׁ שֹׁהַם וְיָשְׁפֵה סַפִּיר נֹפֶךְ וּבָרְקַת וְזָהָב מְלֶאכֶת תֻּפֶּיךָ וּנְקָבֶיךָ בָּךְ בְּיוֹם הִבָּרַאֲךָ כּוֹנָנוּ:

'''{{עוגן|פסוק יד|יד:}}''' אַתְּ כְּרוּב מִמְשַׁח הַסּוֹכֵךְ וּנְתַתִּיךָ בְּהַר קֹדֶשׁ אֱ-לֹהִים הָיִיתָ בְּתוֹךְ אַבְנֵי אֵשׁ הִתְהַלָּכְתָּ:

'''{{עוגן|פסוק טו|טו:}}''' תָּמִים אַתָּה בִּדְרָכֶיךָ מִיּוֹם הִבָּרְאָךְ עַד נִמְצָא עַוְלָתָה בָּךְ:

'''{{עוגן|פסוק טז|טז:}}''' בְּרֹב רְכֻלָּתְךָ מָלוּ תוֹכְךָ חָמָס וַתֶּחֱטָא וָאֲחַלֶּלְךָ מֵהַר אֱ-לֹהִים וָאַבֶּדְךָ כְּרוּב הַסֹּכֵךְ מִתּוֹךְ אַבְנֵי אֵשׁ:

'''{{עוגן|פסוק יז|יז:}}''' גָּבַהּ לִבְּךָ בְּיׇפְיֶךָ שִׁחַתָּ חׇכְמָתְךָ עַל יִפְעָתֶךָ עַל אֶרֶץ הִשְׁלַכְתִּיךָ לִפְנֵי מְלָכִים נְתַתִּיךָ לְרַאֲוָה בָךְ:

'''{{עוגן|פסוק יח|יח:}}''' מֵרֹב עֲוֺנֶיךָ בְּעֶוֶל רְכֻלָּתְךָ חִלַּלְתָּ מִקְדָּשֶׁיךָ וָאוֹצִא אֵשׁ מִתּוֹכְךָ הִיא אֲכָלַתְךָ וָאֶתֶּנְךָ לְאֵפֶר עַל הָאָרֶץ לְעֵינֵי כׇּל רֹאֶיךָ:

'''{{עוגן|פסוק יט|יט:}}''' כׇּל יוֹדְעֶיךָ בָּעַמִּים שָׁמְמוּ עָלֶיךָ בַּלָּהוֹת הָיִיתָ וְאֵינְךָ עַד עוֹלָם:

'''{{עוגן|פסוק כ|כ:}}''' וַיְהִי דְבַר יְ-הֹוָה אֵלַי לֵאמֹר:

'''{{עוגן|פסוק כא|כא:}}''' בֶּן אָדָם שִׂים פָּנֶיךָ אֶל צִידוֹן וְהִנָּבֵא עָלֶיהָ:

'''{{עוגן|פסוק כב|כב:}}''' וְאָמַרְתָּ כֹּה אָמַר אֲ-דֹנָי יֱ-הֹוִה הִנְנִי עָלַיִךְ צִידוֹן וְנִכְבַּדְתִּי בְּתוֹכֵךְ וְיָדְעוּ כִּי אֲנִי יְ-הֹוָה בַּעֲשׂוֹתִי בָהּ שְׁפָטִים וְנִקְדַּשְׁתִּי בָהּ:

'''{{עוגן|פסוק כג|כג:}}''' וְשִׁלַּחְתִּי בָהּ דֶּבֶר וָדָם בְּחוּצוֹתֶיהָ וְנִפְלַל חָלָל בְּתוֹכָהּ בְּחֶרֶב עָלֶיהָ מִסָּבִיב וְיָדְעוּ כִּי אֲנִי יְ-הֹוָה:

'''{{עוגן|פסוק כד|כד:}}''' וְלֹא יִהְיֶה עוֹד לְבֵית יִשְׂרָאֵל סִלּוֹן מַמְאִיר וְקוֹץ מַכְאִב מִכֹּל סְבִיבֹתָם הַשָּׁאטִים אוֹתָם וְיָדְעוּ כִּי אֲנִי אֲ-דֹנָי יֱ-הֹוִה:

'''{{עוגן|פסוק כה|כה:}}''' כֹּה אָמַר אֲ-דֹנָי יֱ-הֹוִה בְּקַבְּצִי אֶת בֵּית יִשְׂרָאֵל מִן הָעַמִּים אֲשֶׁר נָפֹצוּ בָם וְנִקְדַּשְׁתִּי בָם לְעֵינֵי הַגּוֹיִם וְיָשְׁבוּ עַל אַדְמָתָם אֲשֶׁר נָתַתִּי לְעַבְדִּי לְיַעֲקֹב:

'''{{עוגן|פסוק כו|כו:}}''' וְיָשְׁבוּ עָלֶיהָ לָבֶטַח וּבָנוּ בָתִּים וְנָטְעוּ כְרָמִים וְיָשְׁבוּ לָבֶטַח בַּעֲשׂוֹתִי שְׁפָטִים בְּכֹל הַשָּׁאטִים אֹתָם מִסְּבִיבוֹתָם וְיָדְעוּ כִּי אֲנִי יְ-הֹוָה אֱ-לֹהֵיהֶם:
}}

<noinclude>[[קטגוריה:תבניות ספר יחזקאל]]</noinclude>

תבנית:ספר יחזקאל/יחזקאל פרק כח - היסטוריית גרסאות