נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וּבִשְׁנַת שְׁמֹנֶה עֶשְׂרֵה לַמֶּלֶךְ יָרׇבְעָם בֶּן נְבָט, מָלַךְ אֲבִיָּם עַל יְהוּדָה: '''{{עוגן|פסוק ב|ב:}}''' שָׁלֹשׁ שָׁנִים מָלַךְ בִּירוּשָׁלָ͏ִם, וְשֵׁם אִמּוֹ מַעֲכָה בַּת אֲבִישָׁלוֹם: '''{{עוגן|פסוק ג|..."

2026-01-18T15:34:17Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וּבִשְׁנַת שְׁמֹנֶה עֶשְׂרֵה לַמֶּלֶךְ יָרׇבְעָם בֶּן נְבָט, מָלַךְ אֲבִיָּם עַל יְהוּדָה: '''{{עוגן|פסוק ב|ב:}}''' שָׁלֹשׁ שָׁנִים מָלַךְ בִּירוּשָׁלָ͏ִם, וְשֵׁם אִמּוֹ מַעֲכָה בַּת אֲבִישָׁלוֹם: '''{{עוגן|פסוק ג|..."

דף חדש

{{יישור טקסט|שני הצדדים|
'''{{עוגן|פסוק א|א:}}''' וּבִשְׁנַת שְׁמֹנֶה עֶשְׂרֵה לַמֶּלֶךְ יָרׇבְעָם בֶּן נְבָט, מָלַךְ אֲבִיָּם עַל יְהוּדָה:

'''{{עוגן|פסוק ב|ב:}}''' שָׁלֹשׁ שָׁנִים מָלַךְ בִּירוּשָׁלָ͏ִם, וְשֵׁם אִמּוֹ מַעֲכָה בַּת אֲבִישָׁלוֹם:

'''{{עוגן|פסוק ג|ג:}}''' וַיֵּלֶךְ בְּכׇל חַטֹּאות אָבִיו אֲשֶׁר עָשָׂה לְפָנָיו, וְלֹא הָיָה לְבָבוֹ שָׁלֵם עִם יְ-הֹוָה אֱ-לֹהָיו כִּלְבַב דָּוִד אָבִיו:

'''{{עוגן|פסוק ד|ד:}}''' כִּי לְמַעַן דָּוִד נָתַן יְ-הֹוָה אֱ-לֹהָיו לוֹ נִיר בִּירוּשָׁלָ͏ִם, לְהָקִים אֶת בְּנוֹ אַחֲרָיו וּלְהַעֲמִיד אֶת יְרוּשָׁלָ͏ִם:

'''{{עוגן|פסוק ה|ה:}}''' אֲשֶׁר עָשָׂה דָוִד אֶת הַיָּשָׁר בְּעֵינֵי יְ-הֹוָה, וְלֹא סָר מִכֹּל אֲשֶׁר צִוָּהוּ כֹּל יְמֵי חַיָּיו רַק בִּדְבַר אוּרִיָּה הַחִתִּי:

'''{{עוגן|פסוק ו|ו:}}''' וּמִלְחָמָה הָיְתָה בֵין רְחַבְעָם וּבֵין יָרׇבְעָם כׇּל יְמֵי חַיָּיו:

'''{{עוגן|פסוק ז|ז:}}''' וְיֶתֶר דִּבְרֵי אֲבִיָּם וְכׇל אֲשֶׁר עָשָׂה הֲלוֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה, וּמִלְחָמָה הָיְתָה בֵּין אֲבִיָּם וּבֵין יָרׇבְעָם:

'''{{עוגן|פסוק ח|ח:}}''' וַיִּשְׁכַּב אֲבִיָּם עִם אֲבֹתָיו וַיִּקְבְּרוּ אֹתוֹ בְּעִיר דָּוִד, וַיִּמְלֹךְ אָסָא בְנוֹ תַּחְתָּיו:

'''{{עוגן|פסוק ט|ט:}}''' וּבִשְׁנַת עֶשְׂרִים לְיָרׇבְעָם מֶלֶךְ יִשְׂרָאֵל, מָלַךְ אָסָא מֶלֶךְ יְהוּדָה:

'''{{עוגן|פסוק י|י:}}''' וְאַרְבָּעִים וְאַחַת שָׁנָה מָלַךְ בִּירוּשָׁלָ͏ִם, וְשֵׁם אִמּוֹ מַעֲכָה בַּת אֲבִישָׁלוֹם:

'''{{עוגן|פסוק יא|יא:}}''' וַיַּעַשׂ אָסָא הַיָּשָׁר בְּעֵינֵי יְ-הֹוָה, כְּדָוִד אָבִיו:

'''{{עוגן|פסוק יב|יב:}}''' וַיַּעֲבֵר הַקְּדֵשִׁים מִן הָאָרֶץ, וַיָּסַר אֶת כׇּל הַגִּלֻּלִים אֲשֶׁר עָשׂוּ אֲבֹתָיו:

'''{{עוגן|פסוק יג|יג:}}''' וְגַם אֶת מַעֲכָה אִמּוֹ וַיְסִרֶהָ מִגְּבִירָה אֲשֶׁר עָשְׂתָה מִפְלֶצֶת לָאֲשֵׁרָה, וַיִּכְרֹת אָסָא אֶת מִפְלַצְתָּהּ וַיִּשְׂרֹף בְּנַחַל קִדְרוֹן:

'''{{עוגן|פסוק יד|יד:}}''' וְהַבָּמוֹת לֹא סָרוּ, רַק לְבַב אָסָא הָיָה שָׁלֵם עִם יְ-הֹוָה כׇּל יָמָיו:

'''{{עוגן|פסוק טו|טו:}}''' וַיָּבֵא אֶת קׇדְשֵׁי אָבִיו וקדשו וְקׇדְשֵׁי בֵּית יְ-הֹוָה, כֶּסֶף וְזָהָב וְכֵלִים:

'''{{עוגן|פסוק טז|טז:}}''' וּמִלְחָמָה הָיְתָה בֵּין אָסָא וּבֵין בַּעְשָׁא מֶלֶךְ יִשְׂרָאֵל כׇּל יְמֵיהֶם:

'''{{עוגן|פסוק יז|יז:}}''' וַיַּעַל בַּעְשָׁא מֶלֶךְ יִשְׂרָאֵל עַל יְהוּדָה וַיִּבֶן אֶת הָרָמָה, לְבִלְתִּי תֵּת יֹצֵא וָבָא לְאָסָא מֶלֶךְ יְהוּדָה:

'''{{עוגן|פסוק יח|יח:}}''' וַיִּקַּח אָסָא אֶת כׇּל הַכֶּסֶף וְהַזָּהָב הַנּוֹתָרִים בְּאוֹצְרוֹת בֵּית יְ-הֹוָה וְאֶת אוֹצְרוֹת בֵּית מלך הַמֶּלֶךְ וַיִּתְּנֵם בְּיַד עֲבָדָיו, וַיִּשְׁלָחֵם הַמֶּלֶךְ אָסָא אֶל בֶּן הֲדַד בֶּן טַבְרִמֹּן בֶּן חֶזְיוֹן מֶלֶךְ אֲרָם הַיֹּשֵׁב בְּדַמֶּשֶׂק לֵאמֹר:

'''{{עוגן|פסוק יט|יט:}}''' בְּרִית בֵּינִי וּבֵינֶךָ בֵּין אָבִי וּבֵין אָבִיךָ, הִנֵּה שָׁלַחְתִּי לְךָ שֹׁחַד כֶּסֶף וְזָהָב לֵךְ הָפֵרָה אֶת בְּרִיתְךָ אֶת בַּעְשָׁא מֶלֶךְ יִשְׂרָאֵל וְיַעֲלֶה מֵעָלָי:

'''{{עוגן|פסוק כ|כ:}}''' וַיִּשְׁמַע בֶּן הֲדַד אֶל הַמֶּלֶךְ אָסָא וַיִּשְׁלַח אֶת שָׂרֵי הַחֲיָלִים אֲשֶׁר לוֹ עַל עָרֵי יִשְׂרָאֵל וַיַּךְ אֶת עִיּוֹן וְאֶת דָּן וְאֵת אָבֵל בֵּית מַעֲכָה, וְאֵת כׇּל כִּנְרוֹת עַל כׇּל אֶרֶץ נַפְתָּלִי:

'''{{עוגן|פסוק כא|כא:}}''' וַיְהִי כִּשְׁמֹעַ בַּעְשָׁא וַיֶּחְדַּל מִבְּנוֹת אֶת הָרָמָה, וַיֵּשֶׁב בְּתִרְצָה:

'''{{עוגן|פסוק כב|כב:}}''' וְהַמֶּלֶךְ אָסָא הִשְׁמִיעַ אֶת כׇּל יְהוּדָה אֵין נָקִי וַיִּשְׂאוּ אֶת אַבְנֵי הָרָמָה וְאֶת עֵצֶיהָ אֲשֶׁר בָּנָה בַּעְשָׁא, וַיִּבֶן בָּם הַמֶּלֶךְ אָסָא אֶת גֶּבַע בִּנְיָמִן וְאֶת הַמִּצְפָּה:

'''{{עוגן|פסוק כג|כג:}}''' וְיֶתֶר כׇּל דִּבְרֵי אָסָא וְכׇל גְּבוּרָתוֹ וְכׇל אֲשֶׁר עָשָׂה וְהֶעָרִים אֲשֶׁר בָּנָה הֲלֹא הֵמָּה כְתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה, רַק לְעֵת זִקְנָתוֹ חָלָה אֶת רַגְלָיו:

'''{{עוגן|פסוק כד|כד:}}''' וַיִּשְׁכַּב אָסָא עִם אֲבֹתָיו וַיִּקָּבֵר עִם אֲבֹתָיו בְּעִיר דָּוִד אָבִיו, וַיִּמְלֹךְ יְהוֹשָׁפָט בְּנוֹ תַּחְתָּיו:

'''{{עוגן|פסוק כה|כה:}}''' וְנָדָב בֶּן יָרׇבְעָם מָלַךְ עַל יִשְׂרָאֵל בִּשְׁנַת שְׁתַּיִם לְאָסָא מֶלֶךְ יְהוּדָה, וַיִּמְלֹךְ עַל יִשְׂרָאֵל שְׁנָתָיִם:

'''{{עוגן|פסוק כו|כו:}}''' וַיַּעַשׂ הָרַע בְּעֵינֵי יְ-הֹוָה, וַיֵּלֶךְ בְּדֶרֶךְ אָבִיו וּבְחַטָּאתוֹ אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק כז|כז:}}''' וַיִּקְשֹׁר עָלָיו בַּעְשָׁא בֶן אֲחִיָּה לְבֵית יִשָּׂשכָר וַיַּכֵּהוּ בַעְשָׁא בְּגִבְּתוֹן אֲשֶׁר לַפְּלִשְׁתִּים, וְנָדָב וְכׇל יִשְׂרָאֵל צָרִים עַל גִּבְּתוֹן:

'''{{עוגן|פסוק כח|כח:}}''' וַיְמִתֵהוּ בַעְשָׁא בִּשְׁנַת שָׁלֹשׁ לְאָסָא מֶלֶךְ יְהוּדָה, וַיִּמְלֹךְ תַּחְתָּיו:

'''{{עוגן|פסוק כט|כט:}}''' וַיְהִי כְמׇלְכוֹ הִכָּה אֶת כׇּל בֵּית יָרׇבְעָם לֹא הִשְׁאִיר כׇּל נְשָׁמָה לְיָרׇבְעָם עַד הִשְׁמִדוֹ, כִּדְבַר יְ-הֹוָה אֲשֶׁר דִּבֶּר בְּיַד עַבְדּוֹ אֲחִיָּה הַשִּׁילֹנִי:

'''{{עוגן|פסוק ל|ל:}}''' עַל חַטֹּאות יָרׇבְעָם אֲשֶׁר חָטָא וַאֲשֶׁר הֶחֱטִיא אֶת יִשְׂרָאֵל, בְּכַעְסוֹ אֲשֶׁר הִכְעִיס אֶת יְ-הֹוָה אֱ-לֹהֵי יִשְׂרָאֵל:

'''{{עוגן|פסוק לא|לא:}}''' וְיֶתֶר דִּבְרֵי נָדָב וְכׇל אֲשֶׁר עָשָׂה, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק לב|לב:}}''' וּמִלְחָמָה הָיְתָה בֵּין אָסָא וּבֵין בַּעְשָׁא מֶלֶךְ יִשְׂרָאֵל כׇּל יְמֵיהֶם:

'''{{עוגן|פסוק לג|לג:}}''' בִּשְׁנַת שָׁלֹשׁ לְאָסָא מֶלֶךְ יְהוּדָה, מָלַךְ בַּעְשָׁא בֶן אֲחִיָּה עַל כׇּל יִשְׂרָאֵל בְּתִרְצָה עֶשְׂרִים וְאַרְבַּע שָׁנָה:

'''{{עוגן|פסוק לד|לד:}}''' וַיַּעַשׂ הָרַע בְּעֵינֵי יְ-הֹוָה, וַיֵּלֶךְ בְּדֶרֶךְ יָרׇבְעָם וּבְחַטָּאתוֹ אֲשֶׁר הֶחֱטִיא אֶת יִשְׂרָאֵל:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים א פרק טו - היסטוריית גרסאות