נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וְהִנֵּה אִישׁ אֱ-לֹהִים בָּא מִיהוּדָה בִּדְבַר יְ-הֹוָה אֶל בֵּית אֵל, וְיָרׇבְעָם עֹמֵד עַל הַמִּזְבֵּחַ לְהַקְטִיר: '''{{עוגן|פסוק ב|ב:}}''' וַיִּקְרָא עַל הַמִּזְבֵּחַ בִּדְבַר יְ-הֹוָה וַיֹּאמֶר מִזְבֵּחַ מ..."

2026-01-18T15:32:53Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וְהִנֵּה אִישׁ אֱ-לֹהִים בָּא מִיהוּדָה בִּדְבַר יְ-הֹוָה אֶל בֵּית אֵל, וְיָרׇבְעָם עֹמֵד עַל הַמִּזְבֵּחַ לְהַקְטִיר: '''{{עוגן|פסוק ב|ב:}}''' וַיִּקְרָא עַל הַמִּזְבֵּחַ בִּדְבַר יְ-הֹוָה וַיֹּאמֶר מִזְבֵּחַ מ..."

דף חדש

{{יישור טקסט|שני הצדדים|
'''{{עוגן|פסוק א|א:}}''' וְהִנֵּה אִישׁ אֱ-לֹהִים בָּא מִיהוּדָה בִּדְבַר יְ-הֹוָה אֶל בֵּית אֵל, וְיָרׇבְעָם עֹמֵד עַל הַמִּזְבֵּחַ לְהַקְטִיר:

'''{{עוגן|פסוק ב|ב:}}''' וַיִּקְרָא עַל הַמִּזְבֵּחַ בִּדְבַר יְ-הֹוָה וַיֹּאמֶר מִזְבֵּחַ מִזְבֵּחַ כֹּה אָמַר יְ-הֹוָה, הִנֵּה בֵן נוֹלָד לְבֵית דָּוִד יֹאשִׁיָּהוּ שְׁמוֹ וְזָבַח עָלֶיךָ אֶת כֹּהֲנֵי הַבָּמוֹת הַמַּקְטִרִים עָלֶיךָ וְעַצְמוֹת אָדָם יִשְׂרְפוּ עָלֶיךָ:

'''{{עוגן|פסוק ג|ג:}}''' וְנָתַן בַּיּוֹם הַהוּא מוֹפֵת לֵאמֹר זֶה הַמּוֹפֵת אֲשֶׁר דִּבֶּר יְ-הֹוָה, הִנֵּה הַמִּזְבֵּחַ נִקְרָע וְנִשְׁפַּךְ הַדֶּשֶׁן אֲשֶׁר עָלָיו:

'''{{עוגן|פסוק ד|ד:}}''' וַיְהִי כִשְׁמֹעַ הַמֶּלֶךְ אֶת דְּבַר אִישׁ הָאֱ-לֹהִים אֲשֶׁר קָרָא עַל הַמִּזְבֵּחַ בְּבֵית אֵל וַיִּשְׁלַח יָרׇבְעָם אֶת יָדוֹ מֵעַל הַמִּזְבֵּחַ לֵאמֹר תִּפְשֻׂהוּ, וַתִּיבַשׁ יָדוֹ אֲשֶׁר שָׁלַח עָלָיו וְלֹא יָכֹל לַהֲשִׁיבָהּ אֵלָיו:

'''{{עוגן|פסוק ה|ה:}}''' וְהַמִּזְבֵּחַ נִקְרָע וַיִּשָּׁפֵךְ הַדֶּשֶׁן מִן הַמִּזְבֵּחַ, כַּמּוֹפֵת אֲשֶׁר נָתַן אִישׁ הָאֱ-לֹהִים בִּדְבַר יְ-הֹוָה:

'''{{עוגן|פסוק ו|ו:}}''' וַיַּעַן הַמֶּלֶךְ וַיֹּאמֶר אֶל אִישׁ הָאֱ-לֹהִים חַל נָא אֶת פְּנֵי יְ-הֹוָה אֱ-לֹהֶיךָ וְהִתְפַּלֵּל בַּעֲדִי וְתָשֹׁב יָדִי אֵלָי, וַיְחַל אִישׁ הָאֱ-לֹהִים אֶת פְּנֵי יְ-הֹוָה וַתָּשׇׁב יַד הַמֶּלֶךְ אֵלָיו וַתְּהִי כְּבָרִאשֹׁנָה:

'''{{עוגן|פסוק ז|ז:}}''' וַיְדַבֵּר הַמֶּלֶךְ אֶל אִישׁ הָאֱ-לֹהִים בֹּאָה אִתִּי הַבַּיְתָה וּסְעָדָה, וְאֶתְּנָה לְךָ מַתָּת:

'''{{עוגן|פסוק ח|ח:}}''' וַיֹּאמֶר אִישׁ הָאֱ-לֹהִים אֶל הַמֶּלֶךְ אִם תִּתֶּן לִי אֶת חֲצִי בֵיתֶךָ לֹא אָבֹא עִמָּךְ, וְלֹא אֹכַל לֶחֶם וְלֹא אֶשְׁתֶּה מַּיִם בַּמָּקוֹם הַזֶּה:

'''{{עוגן|פסוק ט|ט:}}''' כִּי כֵן צִוָּה אֹתִי בִּדְבַר יְ-הֹוָה לֵאמֹר לֹא תֹאכַל לֶחֶם וְלֹא תִשְׁתֶּה מָּיִם, וְלֹא תָשׁוּב בַּדֶּרֶךְ אֲשֶׁר הָלָכְתָּ:

'''{{עוגן|פסוק י|י:}}''' וַיֵּלֶךְ בְּדֶרֶךְ אַחֵר, וְלֹא שָׁב בַּדֶּרֶךְ אֲשֶׁר בָּא בָהּ אֶל בֵּית אֵל:

'''{{עוגן|פסוק יא|יא:}}''' וְנָבִיא אֶחָד זָקֵן יֹשֵׁב בְּבֵית אֵל, וַיָּבוֹא בְנוֹ וַיְסַפֶּר לוֹ אֶת כׇּל הַמַּעֲשֶׂה אֲשֶׁר עָשָׂה אִישׁ הָאֱ-לֹהִים הַיּוֹם בְּבֵית אֵל אֶת הַדְּבָרִים אֲשֶׁר דִּבֶּר אֶל הַמֶּלֶךְ וַיְסַפְּרוּם לַאֲבִיהֶם:

'''{{עוגן|פסוק יב|יב:}}''' וַיְדַבֵּר אֲלֵהֶם אֲבִיהֶם אֵי זֶה הַדֶּרֶךְ הָלָךְ, וַיִּרְאוּ בָנָיו אֶת הַדֶּרֶךְ אֲשֶׁר הָלַךְ אִישׁ הָאֱ-לֹהִים אֲשֶׁר בָּא מִיהוּדָה:

'''{{עוגן|פסוק יג|יג:}}''' וַיֹּאמֶר אֶל בָּנָיו חִבְשׁוּ לִי הַחֲמוֹר, וַיַּחְבְּשׁוּ לוֹ הַחֲמוֹר וַיִּרְכַּב עָלָיו:

'''{{עוגן|פסוק יד|יד:}}''' וַיֵּלֶךְ אַחֲרֵי אִישׁ הָאֱ-לֹהִים וַיִּמְצָאֵהוּ יֹשֵׁב תַּחַת הָאֵלָה, וַיֹּאמֶר אֵלָיו הַאַתָּה אִישׁ הָאֱ-לֹהִים אֲשֶׁר בָּאתָ מִיהוּדָה וַיֹּאמֶר אָנִי:

'''{{עוגן|פסוק טו|טו:}}''' וַיֹּאמֶר אֵלָיו לֵךְ אִתִּי הַבָּיְתָה, וֶאֱכֹל לָחֶם:

'''{{עוגן|פסוק טז|טז:}}''' וַיֹּאמֶר לֹא אוּכַל לָשׁוּב אִתָּךְ וְלָבוֹא אִתָּךְ, וְלֹא אֹכַל לֶחֶם וְלֹא אֶשְׁתֶּה אִתְּךָ מַיִם בַּמָּקוֹם הַזֶּה:

'''{{עוגן|פסוק יז|יז:}}''' כִּי דָבָר אֵלַי בִּדְבַר יְ-הֹוָה לֹא תֹאכַל לֶחֶם וְלֹא תִשְׁתֶּה שָׁם מָיִם, לֹא תָשׁוּב לָלֶכֶת בַּדֶּרֶךְ אֲשֶׁר הָלַכְתָּ בָּהּ:

'''{{עוגן|פסוק יח|יח:}}''' וַיֹּאמֶר לוֹ גַּם אֲנִי נָבִיא כָּמוֹךָ, וּמַלְאָךְ דִּבֶּר אֵלַי בִּדְבַר יְ-הֹוָה לֵאמֹר הֲשִׁבֵהוּ אִתְּךָ אֶל בֵּיתֶךָ וְיֹאכַל לֶחֶם וְיֵשְׁתְּ מָיִם, כִּחֵשׁ לוֹ:

'''{{עוגן|פסוק יט|יט:}}''' וַיָּשׇׁב אִתּוֹ וַיֹּאכַל לֶחֶם בְּבֵיתוֹ וַיֵּשְׁתְּ מָיִם:

'''{{עוגן|פסוק כ|כ:}}''' וַיְהִי הֵם יֹשְׁבִים אֶל הַשֻּׁלְחָן
וַיְהִי דְּבַר יְ-הֹוָה אֶל הַנָּבִיא אֲשֶׁר הֱשִׁיבוֹ:

'''{{עוגן|פסוק כא|כא:}}''' וַיִּקְרָא אֶל אִישׁ הָאֱ-לֹהִים אֲשֶׁר בָּא מִיהוּדָה לֵאמֹר כֹּה אָמַר יְ-הֹוָה, יַעַן כִּי מָרִיתָ פִּי יְ-הֹוָה וְלֹא שָׁמַרְתָּ אֶת הַמִּצְוָה אֲשֶׁר צִוְּךָ יְ-הֹוָה אֱ-לֹהֶיךָ:

'''{{עוגן|פסוק כב|כב:}}''' וַתָּשׇׁב וַתֹּאכַל לֶחֶם וַתֵּשְׁתְּ מַיִם בַּמָּקוֹם אֲשֶׁר דִּבֶּר אֵלֶיךָ אַל תֹּאכַל לֶחֶם וְאַל תֵּשְׁתְּ מָיִם, לֹא תָבוֹא נִבְלָתְךָ אֶל קֶבֶר אֲבֹתֶיךָ:

'''{{עוגן|פסוק כג|כג:}}''' וַיְהִי אַחֲרֵי אׇכְלוֹ לֶחֶם וְאַחֲרֵי שְׁתוֹתוֹ, וַיַּחֲבׇשׁ לוֹ הַחֲמוֹר לַנָּבִיא אֲשֶׁר הֱשִׁיבוֹ:

'''{{עוגן|פסוק כד|כד:}}''' וַיֵּלֶךְ וַיִּמְצָאֵהוּ אַרְיֵה בַּדֶּרֶךְ וַיְמִיתֵהוּ, וַתְּהִי נִבְלָתוֹ מֻשְׁלֶכֶת בַּדֶּרֶךְ וְהַחֲמוֹר עֹמֵד אֶצְלָהּ וְהָאַרְיֵה עֹמֵד אֵצֶל הַנְּבֵלָה:

'''{{עוגן|פסוק כה|כה:}}''' וְהִנֵּה אֲנָשִׁים עֹבְרִים וַיִּרְאוּ אֶת הַנְּבֵלָה מֻשְׁלֶכֶת בַּדֶּרֶךְ וְאֶת הָאַרְיֵה עֹמֵד אֵצֶל הַנְּבֵלָה, וַיָּבֹאוּ וַיְדַבְּרוּ בָעִיר אֲשֶׁר הַנָּבִיא הַזָּקֵן יֹשֵׁב בָּהּ:

'''{{עוגן|פסוק כו|כו:}}''' וַיִּשְׁמַע הַנָּבִיא אֲשֶׁר הֱשִׁיבוֹ מִן הַדֶּרֶךְ, וַיֹּאמֶר אִישׁ הָאֱ-לֹהִים הוּא אֲשֶׁר מָרָה אֶת פִּי יְ-הֹוָה, וַיִּתְּנֵהוּ יְ-הֹוָה לָאַרְיֵה וַיִּשְׁבְּרֵהוּ וַיְמִתֵהוּ כִּדְבַר יְ-הֹוָה אֲשֶׁר דִּבֶּר לוֹ:

'''{{עוגן|פסוק כז|כז:}}''' וַיְדַבֵּר אֶל בָּנָיו לֵאמֹר חִבְשׁוּ לִי אֶת הַחֲמוֹר, וַיַּחֲבֹשׁוּ:

'''{{עוגן|פסוק כח|כח:}}''' וַיֵּלֶךְ וַיִּמְצָא אֶת נִבְלָתוֹ מֻשְׁלֶכֶת בַּדֶּרֶךְ וַחֲמוֹר וְהָאַרְיֵה עֹמְדִים אֵצֶל הַנְּבֵלָה, לֹא אָכַל הָאַרְיֵה אֶת הַנְּבֵלָה וְלֹא שָׁבַר אֶת הַחֲמוֹר:

'''{{עוגן|פסוק כט|כט:}}''' וַיִּשָּׂא הַנָּבִיא אֶת נִבְלַת אִישׁ הָאֱ-לֹהִים וַיַּנִּחֵהוּ אֶל הַחֲמוֹר וַיְשִׁיבֵהוּ, וַיָּבֹא אֶל עִיר הַנָּבִיא הַזָּקֵן לִסְפֹּד וּלְקׇבְרוֹ:

'''{{עוגן|פסוק ל|ל:}}''' וַיַּנַּח אֶת נִבְלָתוֹ בְּקִבְרוֹ, וַיִּסְפְּדוּ עָלָיו הוֹי אָחִי:

'''{{עוגן|פסוק לא|לא:}}''' וַיְהִי אַחֲרֵי קׇבְרוֹ אֹתוֹ, וַיֹּאמֶר אֶל בָּנָיו לֵאמֹר בְּמוֹתִי וּקְבַרְתֶּם אֹתִי בַּקֶּבֶר אֲשֶׁר אִישׁ הָאֱ-לֹהִים קָבוּר בּוֹ, אֵצֶל עַצְמֹתָיו הַנִּיחוּ אֶת עַצְמֹתָי:

'''{{עוגן|פסוק לב|לב:}}''' כִּי הָיֹה יִהְיֶה הַדָּבָר אֲשֶׁר קָרָא בִּדְבַר יְ-הֹוָה עַל הַמִּזְבֵּחַ אֲשֶׁר בְּבֵית אֵל, וְעַל כׇּל בָּתֵּי הַבָּמוֹת אֲשֶׁר בְּעָרֵי שֹׁמְרוֹן:

'''{{עוגן|פסוק לג|לג:}}''' אַחַר הַדָּבָר הַזֶּה לֹא שָׁב יָרׇבְעָם מִדַּרְכּוֹ הָרָעָה, וַיָּשׇׁב וַיַּעַשׂ מִקְצוֹת הָעָם כֹּהֲנֵי בָמוֹת הֶחָפֵץ יְמַלֵּא אֶת יָדוֹ וִיהִי כֹּהֲנֵי בָמוֹת:

'''{{עוגן|פסוק לד|לד:}}''' וַיְהִי בַּדָּבָר הַזֶּה לְחַטַּאת בֵּית יָרׇבְעָם, וּלְהַכְחִיד וּלְהַשְׁמִיד מֵעַל פְּנֵי הָאֲדָמָה:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים א פרק יג - היסטוריית גרסאות