נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בָּעֵת הַהִיא חָלָה אֲבִיָּה בֶן יָרׇבְעָם: '''{{עוגן|פסוק ב|ב:}}''' וַיֹּאמֶר יָרׇבְעָם לְאִשְׁתּוֹ קוּמִי נָא וְהִשְׁתַּנִּית וְלֹא יֵדְעוּ כִּי אַתְּ אתי אֵשֶׁת יָרׇבְעָם, וְהָלַכְתְּ שִׁלֹה הִנֵּה שָׁם אֲחִי..."

2026-01-18T15:33:28Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בָּעֵת הַהִיא חָלָה אֲבִיָּה בֶן יָרׇבְעָם: '''{{עוגן|פסוק ב|ב:}}''' וַיֹּאמֶר יָרׇבְעָם לְאִשְׁתּוֹ קוּמִי נָא וְהִשְׁתַּנִּית וְלֹא יֵדְעוּ כִּי אַתְּ אתי אֵשֶׁת יָרׇבְעָם, וְהָלַכְתְּ שִׁלֹה הִנֵּה שָׁם אֲחִי..."

דף חדש

{{יישור טקסט|שני הצדדים|
'''{{עוגן|פסוק א|א:}}''' בָּעֵת הַהִיא חָלָה אֲבִיָּה בֶן יָרׇבְעָם:

'''{{עוגן|פסוק ב|ב:}}''' וַיֹּאמֶר יָרׇבְעָם לְאִשְׁתּוֹ קוּמִי נָא וְהִשְׁתַּנִּית וְלֹא יֵדְעוּ כִּי אַתְּ אתי אֵשֶׁת יָרׇבְעָם, וְהָלַכְתְּ שִׁלֹה הִנֵּה שָׁם אֲחִיָּה הַנָּבִיא הוּא דִבֶּר עָלַי לְמֶלֶךְ עַל הָעָם הַזֶּה:

'''{{עוגן|פסוק ג|ג:}}''' וְלָקַחַתְּ בְּיָדֵךְ עֲשָׂרָה לֶחֶם וְנִקֻּדִים וּבַקְבֻּק דְּבַשׁ וּבָאת אֵלָיו, הוּא יַגִּיד לָךְ מַה יִּהְיֶה לַנָּעַר:

'''{{עוגן|פסוק ד|ד:}}''' וַתַּעַשׂ כֵּן אֵשֶׁת יָרׇבְעָם וַתָּקׇם וַתֵּלֶךְ שִׁלֹה וַתָּבֹא בֵּית אֲחִיָּה, וַאֲחִיָּהוּ לֹא יָכֹל לִרְאוֹת כִּי קָמוּ עֵינָיו מִשֵּׂיבוֹ:

'''{{עוגן|פסוק ה|ה:}}''' וַי-הֹוָה אָמַר אֶל אֲחִיָּהוּ הִנֵּה אֵשֶׁת יָרׇבְעָם בָּאָה לִדְרֹשׁ דָּבָר מֵעִמְּךָ אֶל בְּנָהּ כִּי חֹלֶה הוּא כָּזֹה וְכָזֶה תְּדַבֵּר אֵלֶיהָ, וִיהִי כְבֹאָהּ וְהִיא מִתְנַכֵּרָה:

'''{{עוגן|פסוק ו|ו:}}''' וַיְהִי כִשְׁמֹעַ אֲחִיָּהוּ אֶת קוֹל רַגְלֶיהָ בָּאָה בַפֶּתַח וַיֹּאמֶר בֹּאִי אֵשֶׁת יָרׇבְעָם, לָמָּה זֶּה אַתְּ מִתְנַכֵּרָה וְאָנֹכִי שָׁלוּחַ אֵלַיִךְ קָשָׁה:

'''{{עוגן|פסוק ז|ז:}}''' לְכִי אִמְרִי לְיָרׇבְעָם כֹּה אָמַר יְ-הֹוָה אֱ-לֹהֵי יִשְׂרָאֵל יַעַן אֲשֶׁר הֲרִמֹתִיךָ מִתּוֹךְ הָעָם, וָאֶתֶּנְךָ נָגִיד עַל עַמִּי יִשְׂרָאֵל:

'''{{עוגן|פסוק ח|ח:}}''' וָאֶקְרַע אֶת הַמַּמְלָכָה מִבֵּית דָּוִד וָאֶתְּנֶהָ לָךְ, וְלֹא הָיִיתָ כְּעַבְדִּי דָוִד אֲשֶׁר שָׁמַר מִצְוֺתַי וַאֲשֶׁר הָלַךְ אַחֲרַי בְּכׇל לְבָבוֹ לַעֲשׂוֹת רַק הַיָּשָׁר בְּעֵינָי:

'''{{עוגן|פסוק ט|ט:}}''' וַתָּרַע לַעֲשׂוֹת מִכֹּל אֲשֶׁר הָיוּ לְפָנֶיךָ, וַתֵּלֶךְ וַתַּעֲשֶׂה לְּךָ אֱ-לֹהִים אֲחֵרִים וּמַסֵּכוֹת לְהַכְעִיסֵנִי וְאֹתִי הִשְׁלַכְתָּ אַחֲרֵי גַוֶּךָ:

'''{{עוגן|פסוק י|י:}}''' לָכֵן הִנְנִי מֵבִיא רָעָה אֶל בֵּית יָרׇבְעָם וְהִכְרַתִּי לְיָרׇבְעָם מַשְׁתִּין בְּקִיר עָצוּר וְעָזוּב בְּיִשְׂרָאֵל, וּבִעַרְתִּי אַחֲרֵי בֵית יָרׇבְעָם כַּאֲשֶׁר יְבַעֵר הַגָּלָל עַד תֻּמּוֹ:

'''{{עוגן|פסוק יא|יא:}}''' הַמֵּת לְיָרׇבְעָם בָּעִיר יֹאכְלוּ הַכְּלָבִים וְהַמֵּת בַּשָּׂדֶה יֹאכְלוּ עוֹף הַשָּׁמָיִם, כִּי יְ-הֹוָה דִּבֵּר:

'''{{עוגן|פסוק יב|יב:}}''' וְאַתְּ קוּמִי לְכִי לְבֵיתֵךְ, בְּבֹאָהֿ רַגְלַיִךְ הָעִירָה וּמֵת הַיָּלֶד:

'''{{עוגן|פסוק יג|יג:}}''' וְסָפְדוּ לוֹ כׇל יִשְׂרָאֵל וְקָבְרוּ אֹתוֹ כִּי זֶה לְבַדּוֹ יָבֹא לְיָרׇבְעָם אֶל קָבֶר, יַעַן נִמְצָא בוֹ דָּבָר טוֹב אֶל יְ-הֹוָה אֱ-לֹהֵי יִשְׂרָאֵל בְּבֵית יָרׇבְעָם:

'''{{עוגן|פסוק יד|יד:}}''' וְהֵקִים יְ-הֹוָה לוֹ מֶלֶךְ עַל יִשְׂרָאֵל אֲשֶׁר יַכְרִית אֶת בֵּית יָרׇבְעָם זֶה הַיּוֹם, וּמֶה גַּם עָתָּה:

'''{{עוגן|פסוק טו|טו:}}''' וְהִכָּה יְ-הֹוָה אֶת יִשְׂרָאֵל כַּאֲשֶׁר יָנוּד הַקָּנֶה בַּמַּיִם, וְנָתַשׁ אֶת יִשְׂרָאֵל מֵעַל הָאֲדָמָה הַטּוֹבָה הַזֹּאת אֲשֶׁר נָתַן לַאֲבוֹתֵיהֶם וְזֵרָם מֵעֵבֶר לַנָּהָר, יַעַן אֲשֶׁר עָשׂוּ אֶת אֲשֵׁרֵיהֶם מַכְעִיסִים אֶת יְ-הֹוָה:

'''{{עוגן|פסוק טז|טז:}}''' וְיִתֵּן אֶת יִשְׂרָאֵל, בִּגְלַל חַטֹּאות יָרׇבְעָם אֲשֶׁר חָטָא וַאֲשֶׁר הֶחֱטִיא אֶת יִשְׂרָאֵל:

'''{{עוגן|פסוק יז|יז:}}''' וַתָּקׇם אֵשֶׁת יָרׇבְעָם וַתֵּלֶךְ וַתָּבֹא תִרְצָתָה, הִיא בָּאָה בְסַף הַבַּיִת וְהַנַּעַר מֵת:

'''{{עוגן|פסוק יח|יח:}}''' וַיִּקְבְּרוּ אֹתוֹ וַיִּסְפְּדוּ לוֹ כׇּל יִשְׂרָאֵל, כִּדְבַר יְ-הֹוָה אֲשֶׁר דִּבֶּר בְּיַד עַבְדּוֹ אֲחִיָּהוּ הַנָּבִיא:

'''{{עוגן|פסוק יט|יט:}}''' וְיֶתֶר דִּבְרֵי יָרׇבְעָם אֲשֶׁר נִלְחַם וַאֲשֶׁר מָלָךְ, הִנָּם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק כ|כ:}}''' וְהַיָּמִים אֲשֶׁר מָלַךְ יָרׇבְעָם עֶשְׂרִים וּשְׁתַּיִם שָׁנָה, וַיִּשְׁכַּב עִם אֲבֹתָיו וַיִּמְלֹךְ נָדָב בְּנוֹ תַּחְתָּיו:

'''{{עוגן|פסוק כא|כא:}}''' וּרְחַבְעָם בֶּן שְׁלֹמֹה מָלַךְ בִּיהוּדָה, בֶּן אַרְבָּעִים וְאַחַת שָׁנָה רְחַבְעָם בְּמׇלְכוֹ וּשְׁבַע עֶשְׂרֵה שָׁנָה מָלַךְ בִּירוּשָׁלַ͏ִם הָעִיר אֲשֶׁר בָּחַר יְ-הֹוָה לָשׂוּם אֶת שְׁמוֹ שָׁם מִכֹּל שִׁבְטֵי יִשְׂרָאֵל וְשֵׁם אִמּוֹ נַעֲמָה הָעַמֹּנִית:

'''{{עוגן|פסוק כב|כב:}}''' וַיַּעַשׂ יְהוּדָה הָרַע בְּעֵינֵי יְ-הֹוָה, וַיְקַנְאוּ אֹתוֹ מִכֹּל אֲשֶׁר עָשׂוּ אֲבֹתָם בְּחַטֹּאתָם אֲשֶׁר חָטָאוּ:

'''{{עוגן|פסוק כג|כג:}}''' וַיִּבְנוּ גַם הֵמָּה לָהֶם בָּמוֹת וּמַצֵּבוֹת וַאֲשֵׁרִים, עַל כׇּל גִּבְעָה גְבֹהָה וְתַחַת כׇּל עֵץ רַעֲנָן:

'''{{עוגן|פסוק כד|כד:}}''' וְגַם קָדֵשׁ הָיָה בָאָרֶץ, עָשׂוּ כְּכֹל הַתּוֹעֲבֹת הַגּוֹיִם אֲשֶׁר הוֹרִישׁ יְ-הֹוָה מִפְּנֵי בְּנֵי יִשְׂרָאֵל:

'''{{עוגן|פסוק כה|כה:}}''' וַיְהִי בַּשָּׁנָה הַחֲמִישִׁית לַמֶּלֶךְ רְחַבְעָם, עָלָה שושק שִׁישַׁק מֶלֶךְ מִצְרַיִם עַל יְרוּשָׁלָ͏ִם:

'''{{עוגן|פסוק כו|כו:}}''' וַיִּקַּח אֶת אֹצְרוֹת בֵּית יְ-הֹוָה וְאֶת אוֹצְרוֹת בֵּית הַמֶּלֶךְ וְאֶת הַכֹּל לָקָח, וַיִּקַּח אֶת כׇּל מָגִנֵּי הַזָּהָב אֲשֶׁר עָשָׂה שְׁלֹמֹה:

'''{{עוגן|פסוק כז|כז:}}''' וַיַּעַשׂ הַמֶּלֶךְ רְחַבְעָם תַּחְתָּם מָגִנֵּי נְחֹשֶׁת, וְהִפְקִיד עַל יַד שָׂרֵי הָרָצִים הַשֹּׁמְרִים פֶּתַח בֵּית הַמֶּלֶךְ:

'''{{עוגן|פסוק כח|כח:}}''' וַיְהִי מִדֵּי בֹא הַמֶּלֶךְ בֵּית יְ-הֹוָה, יִשָּׂאוּם הָרָצִים וֶהֱשִׁיבוּם אֶל תָּא הָרָצִים:

'''{{עוגן|פסוק כט|כט:}}''' וְיֶתֶר דִּבְרֵי רְחַבְעָם וְכׇל אֲשֶׁר עָשָׂה, הֲלֹא הֵמָּה כְתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה:

'''{{עוגן|פסוק ל|ל:}}''' וּמִלְחָמָה הָיְתָה בֵין רְחַבְעָם וּבֵין יָרׇבְעָם כׇּל הַיָּמִים:

'''{{עוגן|פסוק לא|לא:}}''' וַיִּשְׁכַּב רְחַבְעָם עִם אֲבֹתָיו וַיִּקָּבֵר עִם אֲבֹתָיו בְּעִיר דָּוִד וְשֵׁם אִמּוֹ נַעֲמָה הָעַמֹּנִית, וַיִּמְלֹךְ אֲבִיָּם בְּנוֹ תַּחְתָּיו:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים א פרק יד - היסטוריית גרסאות