נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וַיֵּשְׁבוּ שָׁלֹשׁ שָׁנִים, אֵין מִלְחָמָה בֵּין אֲרָם וּבֵין יִשְׂרָאֵל: '''{{עוגן|פסוק ב|ב:}}''' וַיְהִי בַּשָּׁנָה הַשְּׁלִישִׁית, וַיֵּרֶד יְהוֹשָׁפָט מֶלֶךְ יְהוּדָה אֶל מֶלֶךְ יִשְׂרָאֵל: '''{{עוגן|פסוק ג|ג:..."

2026-01-18T15:40:21Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וַיֵּשְׁבוּ שָׁלֹשׁ שָׁנִים, אֵין מִלְחָמָה בֵּין אֲרָם וּבֵין יִשְׂרָאֵל: '''{{עוגן|פסוק ב|ב:}}''' וַיְהִי בַּשָּׁנָה הַשְּׁלִישִׁית, וַיֵּרֶד יְהוֹשָׁפָט מֶלֶךְ יְהוּדָה אֶל מֶלֶךְ יִשְׂרָאֵל: '''{{עוגן|פסוק ג|ג:..."

דף חדש

{{יישור טקסט|שני הצדדים|
'''{{עוגן|פסוק א|א:}}''' וַיֵּשְׁבוּ שָׁלֹשׁ שָׁנִים, אֵין מִלְחָמָה בֵּין אֲרָם וּבֵין יִשְׂרָאֵל:

'''{{עוגן|פסוק ב|ב:}}''' וַיְהִי בַּשָּׁנָה הַשְּׁלִישִׁית, וַיֵּרֶד יְהוֹשָׁפָט מֶלֶךְ יְהוּדָה אֶל מֶלֶךְ יִשְׂרָאֵל:

'''{{עוגן|פסוק ג|ג:}}''' וַיֹּאמֶר מֶלֶךְ יִשְׂרָאֵל אֶל עֲבָדָיו הַיְדַעְתֶּם כִּי לָנוּ רָמֹת גִּלְעָד, וַאֲנַחְנוּ מַחְשִׁים מִקַּחַת אֹתָהּ מִיַּד מֶלֶךְ אֲרָם:

'''{{עוגן|פסוק ד|ד:}}''' וַיֹּאמֶר אֶל יְהוֹשָׁפָט הֲתֵלֵךְ אִתִּי לַמִּלְחָמָה רָמֹת גִּלְעָד, וַיֹּאמֶר יְהוֹשָׁפָט אֶל מֶלֶךְ יִשְׂרָאֵל כָּמוֹנִי כָמוֹךָ כְּעַמִּי כְעַמֶּךָ כְּסוּסַי כְּסוּסֶיךָ:

'''{{עוגן|פסוק ה|ה:}}''' וַיֹּאמֶר יְהוֹשָׁפָט אֶל מֶלֶךְ יִשְׂרָאֵל, דְּרׇשׁ נָא כַיּוֹם אֶת דְּבַר יְ-הֹוָה:

'''{{עוגן|פסוק ו|ו:}}''' וַיִּקְבֹּץ מֶלֶךְ יִשְׂרָאֵל אֶת הַנְּבִיאִים כְּאַרְבַּע מֵאוֹת אִישׁ, וַיֹּאמֶר אֲלֵהֶם הַאֵלֵךְ עַל רָמֹת גִּלְעָד לַמִּלְחָמָה אִם אֶחְדָּל, וַיֹּאמְרוּ עֲלֵה וְיִתֵּן אֲ-דֹנָי בְּיַד הַמֶּלֶךְ:

'''{{עוגן|פסוק ז|ז:}}''' וַיֹּאמֶר יְהוֹשָׁפָט הַאֵין פֹּה נָבִיא לַי-הֹוָה עוֹד, וְנִדְרְשָׁה מֵאֹתוֹ:

'''{{עוגן|פסוק ח|ח:}}''' וַיֹּאמֶר מֶלֶךְ יִשְׂרָאֵל אֶל יְהוֹשָׁפָט עוֹד אִישׁ אֶחָד לִדְרֹשׁ אֶת יְ-הֹוָה מֵאֹתוֹ וַאֲנִי שְׂנֵאתִיו כִּי לֹא יִתְנַבֵּא עָלַי טוֹב כִּי אִם רָע מִיכָיְהוּ בֶּן יִמְלָה, וַיֹּאמֶר יְהוֹשָׁפָט אַל יֹאמַר הַמֶּלֶךְ כֵּן:

'''{{עוגן|פסוק ט|ט:}}''' וַיִּקְרָא מֶלֶךְ יִשְׂרָאֵל אֶל סָרִיס אֶחָד, וַיֹּאמֶר מַהֲרָה מִיכָיְהוּ בֶן יִמְלָה:

'''{{עוגן|פסוק י|י:}}''' וּמֶלֶךְ יִשְׂרָאֵל וִיהוֹשָׁפָט מֶלֶךְ יְהוּדָה יֹשְׁבִים אִישׁ עַל כִּסְאוֹ מְלֻבָּשִׁים בְּגָדִים בְּגֹרֶן פֶּתַח שַׁעַר שֹׁמְרוֹן, וְכׇל הַנְּבִיאִים מִתְנַבְּאִים לִפְנֵיהֶם:

'''{{עוגן|פסוק יא|יא:}}''' וַיַּעַשׂ לוֹ צִדְקִיָּה בֶן כְּנַעֲנָה קַרְנֵי בַרְזֶל, וַיֹּאמֶר כֹּה אָמַר יְ-הֹוָה בְּאֵלֶּה תְּנַגַּח אֶת אֲרָם עַד כַּלֹּתָם:

'''{{עוגן|פסוק יב|יב:}}''' וְכׇל הַנְּבִאִים נִבְּאִים כֵּן לֵאמֹר, עֲלֵה רָמֹת גִּלְעָד וְהַצְלַח וְנָתַן יְ-הֹוָה בְּיַד הַמֶּלֶךְ:

'''{{עוגן|פסוק יג|יג:}}''' וְהַמַּלְאָךְ אֲשֶׁר הָלַךְ לִקְרֹא מִיכָיְהוּ דִּבֶּר אֵלָיו לֵאמֹר הִנֵּה נָא דִּבְרֵי הַנְּבִיאִים פֶּה אֶחָד טוֹב אֶל הַמֶּלֶךְ, יְהִי נָא דבריך דְבָרְךָ כִּדְבַר אַחַד מֵהֶם וְדִבַּרְתָּ טּוֹב:

'''{{עוגן|פסוק יד|יד:}}''' וַיֹּאמֶר מִיכָיְהוּ, חַי יְ-הֹוָה כִּי אֶת אֲשֶׁר יֹאמַר יְ-הֹוָה אֵלַי אֹתוֹ אֲדַבֵּר:

'''{{עוגן|פסוק טו|טו:}}''' וַיָּבוֹא אֶל הַמֶּלֶךְ, וַיֹּאמֶר הַמֶּלֶךְ אֵלָיו מִיכָיְהוּ הֲנֵלֵךְ אֶל רָמֹת גִּלְעָד לַמִּלְחָמָה אִם נֶחְדָּל, וַיֹּאמֶר אֵלָיו עֲלֵה וְהַצְלַח וְנָתַן יְ-הֹוָה בְּיַד הַמֶּלֶךְ:

'''{{עוגן|פסוק טז|טז:}}''' וַיֹּאמֶר אֵלָיו הַמֶּלֶךְ עַד כַּמֶּה פְעָמִים אֲנִי מַשְׁבִּיעֶךָ, אֲשֶׁר לֹא תְדַבֵּר אֵלַי רַק אֱמֶת בְּשֵׁם יְ-הֹוָה:

'''{{עוגן|פסוק יז|יז:}}''' וַיֹּאמֶר רָאִיתִי אֶת כׇּל יִשְׂרָאֵל נְפֹצִים אֶל הֶהָרִים כַּצֹּאן אֲשֶׁר אֵין לָהֶם רֹעֶה, וַיֹּאמֶר יְ-הֹוָה לֹא אֲדֹנִים לָאֵלֶּה יָשׁוּבוּ אִישׁ לְבֵיתוֹ בְּשָׁלוֹם:

'''{{עוגן|פסוק יח|יח:}}''' וַיֹּאמֶר מֶלֶךְ יִשְׂרָאֵל אֶל יְהוֹשָׁפָט, הֲלוֹא אָמַרְתִּי אֵלֶיךָ לוֹא יִתְנַבֵּא עָלַי טוֹב כִּי אִם רָע:

'''{{עוגן|פסוק יט|יט:}}''' וַיֹּאמֶר לָכֵן שְׁמַע דְּבַר יְ-הֹוָה, רָאִיתִי אֶת יְ-הֹוָה יֹשֵׁב עַל כִּסְאוֹ וְכׇל צְבָא הַשָּׁמַיִם עֹמֵד עָלָיו מִימִינוֹ וּמִשְּׂמֹאלוֹ:

'''{{עוגן|פסוק כ|כ:}}''' וַיֹּאמֶר יְ-הֹוָה מִי יְפַתֶּה אֶת אַחְאָב וְיַעַל וְיִפֹּל בְּרָמֹת גִּלְעָד, וַיֹּאמֶר זֶה בְּכֹה וְזֶה אֹמֵר בְּכֹה:

'''{{עוגן|פסוק כא|כא:}}''' וַיֵּצֵא הָרוּחַ וַיַּעֲמֹד לִפְנֵי יְ-הֹוָה וַיֹּאמֶר אֲנִי אֲפַתֶּנּוּ, וַיֹּאמֶר יְ-הֹוָה אֵלָיו בַּמָּה:

'''{{עוגן|פסוק כב|כב:}}''' וַיֹּאמֶר אֵצֵא וְהָיִיתִי רוּחַ שֶׁקֶר בְּפִי כׇּל נְבִיאָיו, וַיֹּאמֶר תְּפַתֶּה וְגַם תּוּכָל צֵא וַעֲשֵׂה כֵן:

'''{{עוגן|פסוק כג|כג:}}''' וְעַתָּה הִנֵּה נָתַן יְ-הֹוָה רוּחַ שֶׁקֶר בְּפִי כׇּל נְבִיאֶיךָ אֵלֶּה, וַי-הֹוָה דִּבֶּר עָלֶיךָ רָעָה:

'''{{עוגן|פסוק כד|כד:}}''' וַיִּגַּשׁ צִדְקִיָּהוּ בֶן כְּנַעֲנָה וַיַּכֶּה אֶת מִיכָיְהוּ עַל הַלֶּחִי, וַיֹּאמֶר אֵי זֶה עָבַר רוּחַ יְ-הֹוָה מֵאִתִּי לְדַבֵּר אוֹתָךְ:

'''{{עוגן|פסוק כה|כה:}}''' וַיֹּאמֶר מִיכָיְהוּ הִנְּךָ רֹאֶה בַּיּוֹם הַהוּא, אֲשֶׁר תָּבֹא חֶדֶר בְּחֶדֶר לְהֵחָבֵה:

'''{{עוגן|פסוק כו|כו:}}''' וַיֹּאמֶר מֶלֶךְ יִשְׂרָאֵל קַח אֶת מִיכָיְהוּ וַהֲשִׁיבֵהוּ אֶל אָמֹן שַׂר הָעִיר, וְאֶל יוֹאָשׁ בֶּן הַמֶּלֶךְ:

'''{{עוגן|פסוק כז|כז:}}''' וְאָמַרְתָּ כֹּה אָמַר הַמֶּלֶךְ שִׂימוּ אֶת זֶה בֵּית הַכֶּלֶא, וְהַאֲכִלֻהוּ לֶחֶם לַחַץ וּמַיִם לַחַץ עַד בֹּאִי בְשָׁלוֹם:

'''{{עוגן|פסוק כח|כח:}}''' וַיֹּאמֶר מִיכָיְהוּ אִם שׁוֹב תָּשׁוּב בְּשָׁלוֹם לֹא דִבֶּר יְ-הֹוָה בִּי, וַיֹּאמֶר שִׁמְעוּ עַמִּים כֻּלָּם:

'''{{עוגן|פסוק כט|כט:}}''' וַיַּעַל מֶלֶךְ יִשְׂרָאֵל וִיהוֹשָׁפָט מֶלֶךְ יְהוּדָה רָמֹת גִּלְעָד:

'''{{עוגן|פסוק ל|ל:}}''' וַיֹּאמֶר מֶלֶךְ יִשְׂרָאֵל אֶל יְהוֹשָׁפָט הִתְחַפֵּשׂ וָבֹא בַמִּלְחָמָה וְאַתָּה לְבַשׁ בְּגָדֶיךָ, וַיִּתְחַפֵּשׂ מֶלֶךְ יִשְׂרָאֵל וַיָּבוֹא בַּמִּלְחָמָה:

'''{{עוגן|פסוק לא|לא:}}''' וּמֶלֶךְ אֲרָם צִוָּה אֶת שָׂרֵי הָרֶכֶב אֲשֶׁר לוֹ שְׁלֹשִׁים וּשְׁנַיִם לֵאמֹר לֹא תִּלָּחֲמוּ אֶת קָטֹן וְאֶת גָּדוֹל, כִּי אִם אֶת מֶלֶךְ יִשְׂרָאֵל לְבַדּוֹ:

'''{{עוגן|פסוק לב|לב:}}''' וַיְהִי כִּרְאוֹת שָׂרֵי הָרֶכֶב אֶת יְהוֹשָׁפָט וְהֵמָּה אָמְרוּ אַךְ מֶלֶךְ יִשְׂרָאֵל הוּא וַיָּסֻרוּ עָלָיו לְהִלָּחֵם, וַיִּזְעַק יְהוֹשָׁפָט:

'''{{עוגן|פסוק לג|לג:}}''' וַיְהִי כִּרְאוֹת שָׂרֵי הָרֶכֶב כִּי לֹא מֶלֶךְ יִשְׂרָאֵל הוּא, וַיָּשׁוּבוּ מֵאַחֲרָיו:

'''{{עוגן|פסוק לד|לד:}}''' וְאִישׁ מָשַׁךְ בַּקֶּשֶׁת לְתֻמּוֹ וַיַּכֶּה אֶת מֶלֶךְ יִשְׂרָאֵל בֵּין הַדְּבָקִים וּבֵין הַשִּׁרְיָן, וַיֹּאמֶר לְרַכָּבוֹ הֲפֹךְ יָדְךָ וְהוֹצִיאֵנִי מִן הַמַּחֲנֶה כִּי הׇחֳלֵיתִי:

'''{{עוגן|פסוק לה|לה:}}''' וַתַּעֲלֶה הַמִּלְחָמָה בַּיּוֹם הַהוּא וְהַמֶּלֶךְ הָיָה מׇעֳמָד בַּמֶּרְכָּבָה נֹכַח אֲרָם, וַיָּמׇת בָּעֶרֶב וַיִּצֶק דַּם הַמַּכָּה אֶל חֵיק הָרָכֶב:

'''{{עוגן|פסוק לו|לו:}}''' וַיַּעֲבֹר הָרִנָּה בַּמַּחֲנֶה כְּבֹא הַשֶּׁמֶשׁ לֵאמֹר, אִישׁ אֶל עִירוֹ וְאִישׁ אֶל אַרְצוֹ:

'''{{עוגן|פסוק לז|לז:}}''' וַיָּמׇת הַמֶּלֶךְ וַיָּבוֹא שֹׁמְרוֹן, וַיִּקְבְּרוּ אֶת הַמֶּלֶךְ בְּשֹׁמְרוֹן:

'''{{עוגן|פסוק לח|לח:}}''' וַיִּשְׁטֹף אֶת הָרֶכֶב עַל בְּרֵכַת שֹׁמְרוֹן וַיָּלֹקּוּ הַכְּלָבִים אֶת דָּמוֹ וְהַזֹּנוֹת רָחָצוּ, כִּדְבַר יְ-הֹוָה אֲשֶׁר דִּבֵּר:

'''{{עוגן|פסוק לט|לט:}}''' וְיֶתֶר דִּבְרֵי אַחְאָב וְכׇל אֲשֶׁר עָשָׂה וּבֵית הַשֵּׁן אֲשֶׁר בָּנָה וְכׇל הֶעָרִים אֲשֶׁר בָּנָה, הֲלוֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק מ|מ:}}''' וַיִּשְׁכַּב אַחְאָב עִם אֲבֹתָיו, וַיִּמְלֹךְ אֲחַזְיָהוּ בְנוֹ תַּחְתָּיו:

'''{{עוגן|פסוק מא|מא:}}''' וִיהוֹשָׁפָט בֶּן אָסָא מָלַךְ עַל יְהוּדָה, בִּשְׁנַת אַרְבַּע לְאַחְאָב מֶלֶךְ יִשְׂרָאֵל:

'''{{עוגן|פסוק מב|מב:}}''' יְהוֹשָׁפָט בֶּן שְׁלֹשִׁים וְחָמֵשׁ שָׁנָה בְּמׇלְכוֹ וְעֶשְׂרִים וְחָמֵשׁ שָׁנָה מָלַךְ בִּירוּשָׁלָ͏ִם, וְשֵׁם אִמּוֹ עֲזוּבָה בַּת שִׁלְחִי:

'''{{עוגן|פסוק מג|מג:}}''' וַיֵּלֶךְ בְּכׇל דֶּרֶךְ אָסָא אָבִיו לֹא סָר מִמֶּנּוּ, לַעֲשׂוֹת הַיָּשָׁר בְּעֵינֵי יְ-הֹוָה:

'''{{עוגן|פסוק מד|מד:}}''' אַךְ הַבָּמוֹת לֹא סָרוּ, עוֹד הָעָם מְזַבְּחִים וּמְקַטְּרִים בַּבָּמוֹת:

'''{{עוגן|פסוק מה|מה:}}''' וַיַּשְׁלֵם יְהוֹשָׁפָט עִם מֶלֶךְ יִשְׂרָאֵל:

'''{{עוגן|פסוק מו|מו:}}''' וְיֶתֶר דִּבְרֵי יְהוֹשָׁפָט וּגְבוּרָתוֹ אֲשֶׁר עָשָׂה וַאֲשֶׁר נִלְחָם, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה:

'''{{עוגן|פסוק מז|מז:}}''' וְיֶתֶר הַקָּדֵשׁ אֲשֶׁר נִשְׁאַר בִּימֵי אָסָא אָבִיו, בִּעֵר מִן הָאָרֶץ:

'''{{עוגן|פסוק מח|מח:}}''' וּמֶלֶךְ אֵין בֶּאֱדוֹם נִצָּב מֶלֶךְ:

'''{{עוגן|פסוק מט|מט:}}''' יְהוֹשָׁפָט עשר עָשָׂה אֳנִיּוֹת תַּרְשִׁישׁ לָלֶכֶת אֹפִירָה לַזָּהָב וְלֹא הָלָךְ, כִּי נִשְׁבְּרוּ נשברה אֳנִיּוֹת בְּעֶצְיוֹן גָּבֶר:

'''{{עוגן|פסוק נ|נ:}}''' אָז אָמַר אֲחַזְיָהוּ בֶן אַחְאָב אֶל יְהוֹשָׁפָט יֵלְכוּ עֲבָדַי עִם עֲבָדֶיךָ בׇּאֳנִיּוֹת, וְלֹא אָבָה יְהוֹשָׁפָט:

'''{{עוגן|פסוק נא|נא:}}''' וַיִּשְׁכַּב יְהוֹשָׁפָט עִם אֲבֹתָיו וַיִּקָּבֵר עִם אֲבֹתָיו בְּעִיר דָּוִד אָבִיו, וַיִּמְלֹךְ יְהוֹרָם בְּנוֹ תַּחְתָּיו:

'''{{עוגן|פסוק נב|נב:}}''' אֲחַזְיָהוּ בֶן אַחְאָב מָלַךְ עַל יִשְׂרָאֵל בְּשֹׁמְרוֹן בִּשְׁנַת שְׁבַע עֶשְׂרֵה לִיהוֹשָׁפָט מֶלֶךְ יְהוּדָה, וַיִּמְלֹךְ עַל יִשְׂרָאֵל שְׁנָתָיִם:

'''{{עוגן|פסוק נג|נג:}}''' וַיַּעַשׂ הָרַע בְּעֵינֵי יְ-הֹוָה, וַיֵּלֶךְ בְּדֶרֶךְ אָבִיו וּבְדֶרֶךְ אִמּוֹ וּבְדֶרֶךְ יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק נד|נד:}}''' וַיַּעֲבֹד אֶת הַבַּעַל וַיִּשְׁתַּחֲוֶה לוֹ, וַיַּכְעֵס אֶת יְ-הֹוָה אֱ-לֹהֵי יִשְׂרָאֵל כְּכֹל אֲשֶׁר עָשָׂה אָבִיו:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים א פרק כב - היסטוריית גרסאות