נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בִּשְׁנַת עֶשְׂרִים וָשֶׁבַע שָׁנָה לְיָרׇבְעָם מֶלֶךְ יִשְׂרָאֵל, מָלַךְ עֲזַרְיָה בֶן אֲמַצְיָה מֶלֶךְ יְהוּדָה: '''{{עוגן|פסוק ב|ב:}}''' בֶּן שֵׁשׁ עֶשְׂרֵה שָׁנָה הָיָה בְמׇלְכוֹ וַחֲמִשִּׁים וּשְׁתַּיִם שָ..."

2026-01-20T15:00:01Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בִּשְׁנַת עֶשְׂרִים וָשֶׁבַע שָׁנָה לְיָרׇבְעָם מֶלֶךְ יִשְׂרָאֵל, מָלַךְ עֲזַרְיָה בֶן אֲמַצְיָה מֶלֶךְ יְהוּדָה: '''{{עוגן|פסוק ב|ב:}}''' בֶּן שֵׁשׁ עֶשְׂרֵה שָׁנָה הָיָה בְמׇלְכוֹ וַחֲמִשִּׁים וּשְׁתַּיִם שָ..."

דף חדש

{{יישור טקסט|שני הצדדים|
'''{{עוגן|פסוק א|א:}}''' בִּשְׁנַת עֶשְׂרִים וָשֶׁבַע שָׁנָה לְיָרׇבְעָם מֶלֶךְ יִשְׂרָאֵל, מָלַךְ עֲזַרְיָה בֶן אֲמַצְיָה מֶלֶךְ יְהוּדָה:

'''{{עוגן|פסוק ב|ב:}}''' בֶּן שֵׁשׁ עֶשְׂרֵה שָׁנָה הָיָה בְמׇלְכוֹ וַחֲמִשִּׁים וּשְׁתַּיִם שָׁנָה מָלַךְ בִּירוּשָׁלָ͏ִם, וְשֵׁם אִמּוֹ יְכׇלְיָהוּ מִירוּשָׁלָ͏ִם:

'''{{עוגן|פסוק ג|ג:}}''' וַיַּעַשׂ הַיָּשָׁר בְּעֵינֵי יְ-הֹוָה, כְּכֹל אֲשֶׁר עָשָׂה אֲמַצְיָהוּ אָבִיו:

'''{{עוגן|פסוק ד|ד:}}''' רַק הַבָּמוֹת לֹא סָרוּ, עוֹד הָעָם מְזַבְּחִים וּמְקַטְּרִים בַּבָּמוֹת:

'''{{עוגן|פסוק ה|ה:}}''' וַיְנַגַּע יְ-הֹוָה אֶת הַמֶּלֶךְ וַיְהִי מְצֹרָע עַד יוֹם מֹתוֹ וַיֵּשֶׁב בְּבֵית הַחׇפְשִׁית, וְיוֹתָם בֶּן הַמֶּלֶךְ עַל הַבַּיִת שֹׁפֵט אֶת עַם הָאָרֶץ:

'''{{עוגן|פסוק ו|ו:}}''' וְיֶתֶר דִּבְרֵי עֲזַרְיָהוּ וְכׇל אֲשֶׁר עָשָׂה, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה:

'''{{עוגן|פסוק ז|ז:}}''' וַיִּשְׁכַּב עֲזַרְיָה עִם אֲבֹתָיו וַיִּקְבְּרוּ אֹתוֹ עִם אֲבֹתָיו בְּעִיר דָּוִד, וַיִּמְלֹךְ יוֹתָם בְּנוֹ תַּחְתָּיו:

'''{{עוגן|פסוק ח|ח:}}''' בִּשְׁנַת שְׁלֹשִׁים וּשְׁמֹנֶה שָׁנָה לַעֲזַרְיָהוּ מֶלֶךְ יְהוּדָה, מָלַךְ זְכַרְיָהוּ בֶן יָרׇבְעָם עַל יִשְׂרָאֵל בְּשֹׁמְרוֹן שִׁשָּׁה חֳדָשִׁים:

'''{{עוגן|פסוק ט|ט:}}''' וַיַּעַשׂ הָרַע בְּעֵינֵי יְ-הֹוָה כַּאֲשֶׁר עָשׂוּ אֲבֹתָיו, לֹא סָר מֵחַטֹּאות יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק י|י:}}''' וַיִּקְשֹׁר עָלָיו שַׁלֻּם בֶּן יָבֵשׁ וַיַּכֵּהוּ קׇבׇל עָם וַיְמִיתֵהוּ, וַיִּמְלֹךְ תַּחְתָּיו:

'''{{עוגן|פסוק יא|יא:}}''' וְיֶתֶר דִּבְרֵי זְכַרְיָה, הִנָּם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק יב|יב:}}''' הוּא דְבַר יְ-הֹוָה אֲשֶׁר דִּבֶּר אֶל יֵהוּא לֵאמֹר בְּנֵי רְבִיעִים יֵשְׁבוּ לְךָ עַל כִּסֵּא יִשְׂרָאֵל, וַיְהִי כֵן:

'''{{עוגן|פסוק יג|יג:}}''' שַׁלּוּם בֶּן יָבֵישׁ מָלַךְ בִּשְׁנַת שְׁלֹשִׁים וָתֵשַׁע שָׁנָה לְעֻזִּיָּה מֶלֶךְ יְהוּדָה, וַיִּמְלֹךְ יֶרַח יָמִים בְּשֹׁמְרוֹן:

'''{{עוגן|פסוק יד|יד:}}''' וַיַּעַל מְנַחֵם בֶּן גָּדִי מִתִּרְצָה וַיָּבֹא שֹׁמְרוֹן וַיַּךְ אֶת שַׁלּוּם בֶּן יָבֵישׁ בְּשֹׁמְרוֹן, וַיְמִיתֵהוּ וַיִּמְלֹךְ תַּחְתָּיו:

'''{{עוגן|פסוק טו|טו:}}''' וְיֶתֶר דִּבְרֵי שַׁלּוּם וְקִשְׁרוֹ אֲשֶׁר קָשָׁר, הִנָּם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק טז|טז:}}''' אָז יַכֶּה מְנַחֵם אֶת תִּפְסַח וְאֶת כׇּל אֲשֶׁר בָּהּ וְאֶת גְּבוּלֶיהָ מִתִּרְצָה כִּי לֹא פָתַח וַיַּךְ, אֵת כׇּל הֶהָרוֹתֶיהָ בִּקֵּעַ:

'''{{עוגן|פסוק יז|יז:}}''' בִּשְׁנַת שְׁלֹשִׁים וָתֵשַׁע שָׁנָה לַעֲזַרְיָה מֶלֶךְ יְהוּדָה, מָלַךְ מְנַחֵם בֶּן גָּדִי עַל יִשְׂרָאֵל עֶשֶׂר שָׁנִים בְּשֹׁמְרוֹן:

'''{{עוגן|פסוק יח|יח:}}''' וַיַּעַשׂ הָרַע בְּעֵינֵי יְ-הֹוָה, לֹא סָר מֵעַל חַטֹּאות יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל כׇּל יָמָיו:

'''{{עוגן|פסוק יט|יט:}}''' בָּא פוּל מֶלֶךְ אַשּׁוּר עַל הָאָרֶץ וַיִּתֵּן מְנַחֵם לְפוּל אֶלֶף כִּכַּר כָּסֶף, לִהְיוֹת יָדָיו אִתּוֹ לְהַחֲזִיק הַמַּמְלָכָה בְּיָדוֹ:

'''{{עוגן|פסוק כ|כ:}}''' וַיֹּצֵא מְנַחֵם אֶת הַכֶּסֶף עַל יִשְׂרָאֵל עַל כׇּל גִּבּוֹרֵי הַחַיִל לָתֵת לְמֶלֶךְ אַשּׁוּר חֲמִשִּׁים שְׁקָלִים כֶּסֶף לְאִישׁ אֶחָד, וַיָּשׇׁב מֶלֶךְ אַשּׁוּר וְלֹא עָמַד שָׁם בָּאָרֶץ:

'''{{עוגן|פסוק כא|כא:}}''' וְיֶתֶר דִּבְרֵי מְנַחֵם וְכׇל אֲשֶׁר עָשָׂה, הֲלוֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק כב|כב:}}''' וַיִּשְׁכַּב מְנַחֵם עִם אֲבֹתָיו, וַיִּמְלֹךְ פְּקַחְיָה בְנוֹ תַּחְתָּיו:

'''{{עוגן|פסוק כג|כג:}}''' בִּשְׁנַת חֲמִשִּׁים שָׁנָה לַעֲזַרְיָה מֶלֶךְ יְהוּדָה, מָלַךְ פְּקַחְיָה בֶן מְנַחֵם עַל יִשְׂרָאֵל בְּשֹׁמְרוֹן שְׁנָתָיִם:

'''{{עוגן|פסוק כד|כד:}}''' וַיַּעַשׂ הָרַע בְּעֵינֵי יְ-הֹוָה, לֹא סָר מֵחַטֹּאות יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק כה|כה:}}''' וַיִּקְשֹׁר עָלָיו פֶּקַח בֶּן רְמַלְיָהוּ שָׁלִישׁוֹ וַיַּכֵּהוּ בְשֹׁמְרוֹן בְּאַרְמוֹן בֵּית הַמֶּלֶךְ מלך אֶת אַרְגֹּב וְאֶת הָאַרְיֵה וְעִמּוֹ חֲמִשִּׁים אִישׁ מִבְּנֵי גִלְעָדִים, וַיְמִתֵהוּ וַיִּמְלֹךְ תַּחְתָּיו:

'''{{עוגן|פסוק כו|כו:}}''' וְיֶתֶר דִּבְרֵי פְקַחְיָה וְכׇל אֲשֶׁר עָשָׂה, הִנָּם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק כז|כז:}}''' בִּשְׁנַת חֲמִשִּׁים וּשְׁתַּיִם שָׁנָה לַעֲזַרְיָה מֶלֶךְ יְהוּדָה, מָלַךְ פֶּקַח בֶּן רְמַלְיָהוּ עַל יִשְׂרָאֵל בְּשֹׁמְרוֹן עֶשְׂרִים שָׁנָה:

'''{{עוגן|פסוק כח|כח:}}''' וַיַּעַשׂ הָרַע בְּעֵינֵי יְ-הֹוָה, לֹא סָר מִן חַטֹּאות יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק כט|כט:}}''' בִּימֵי פֶּקַח מֶלֶךְ יִשְׂרָאֵל בָּא תִּגְלַת פִּלְאֶסֶר מֶלֶךְ אַשּׁוּר, וַיִּקַּח אֶת עִיּוֹן וְאֶת אָבֵל בֵּית מַעֲכָה וְאֶת יָנוֹחַ וְאֶת קֶדֶשׁ וְאֶת חָצוֹר וְאֶת הַגִּלְעָד וְאֶת הַגָּלִילָה כֹּל אֶרֶץ נַפְתָּלִי, וַיַּגְלֵם אַשּׁוּרָה:

'''{{עוגן|פסוק ל|ל:}}''' וַיִּקְשׇׁר קֶשֶׁר הוֹשֵׁעַ בֶּן אֵלָה עַל פֶּקַח בֶּן רְמַלְיָהוּ וַיַּכֵּהוּ וַיְמִיתֵהוּ וַיִּמְלֹךְ תַּחְתָּיו, בִּשְׁנַת עֶשְׂרִים לְיוֹתָם בֶּן עֻזִּיָּה:

'''{{עוגן|פסוק לא|לא:}}''' וְיֶתֶר דִּבְרֵי פֶקַח וְכׇל אֲשֶׁר עָשָׂה, הִנָּם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק לב|לב:}}''' בִּשְׁנַת שְׁתַּיִם לְפֶקַח בֶּן רְמַלְיָהוּ מֶלֶךְ יִשְׂרָאֵל, מָלַךְ יוֹתָם בֶּן עֻזִּיָּהוּ מֶלֶךְ יְהוּדָה:

'''{{עוגן|פסוק לג|לג:}}''' בֶּן עֶשְׂרִים וְחָמֵשׁ שָׁנָה הָיָה בְמׇלְכוֹ וְשֵׁשׁ עֶשְׂרֵה שָׁנָה מָלַךְ בִּירוּשָׁלָ͏ִם, וְשֵׁם אִמּוֹ יְרוּשָׁא בַּת צָדוֹק:

'''{{עוגן|פסוק לד|לד:}}''' וַיַּעַשׂ הַיָּשָׁר בְּעֵינֵי יְ-הֹוָה, כְּכֹל אֲשֶׁר עָשָׂה עֻזִּיָּהוּ אָבִיו עָשָׂה:

'''{{עוגן|פסוק לה|לה:}}''' רַק הַבָּמוֹת לֹא סָרוּ עוֹד הָעָם מְזַבְּחִים וּמְקַטְּרִים בַּבָּמוֹת, הוּא בָּנָה אֶת שַׁעַר בֵּית יְ-הֹוָה הָעֶלְיוֹן:

'''{{עוגן|פסוק לו|לו:}}''' וְיֶתֶר דִּבְרֵי יוֹתָם אֲשֶׁר עָשָׂה, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה:

'''{{עוגן|פסוק לז|לז:}}''' בַּיָּמִים הָהֵם הֵחֵל יְ-הֹוָה לְהַשְׁלִיחַ בִּיהוּדָה רְצִין מֶלֶךְ אֲרָם, וְאֵת פֶּקַח בֶּן רְמַלְיָהוּ:

'''{{עוגן|פסוק לח|לח:}}''' וַיִּשְׁכַּב יוֹתָם עִם אֲבֹתָיו וַיִּקָּבֵר עִם אֲבֹתָיו בְּעִיר דָּוִד אָבִיו, וַיִּמְלֹךְ אָחָז בְּנוֹ תַּחְתָּיו:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים ב פרק טו - היסטוריית גרסאות