נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וּלְאַחְאָב שִׁבְעִים בָּנִים בְּשֹׁמְרוֹן, וַיִּכְתֹּב יֵהוּא סְפָרִים וַיִּשְׁלַח שֹׁמְרוֹן אֶל שָׂרֵי יִזְרְעֶאל הַזְּקֵנִים וְאֶל הָאֹמְנִים אַחְאָב לֵאמֹר: '''{{עוגן|פסוק ב|ב:}}''' וְעַתָּה כְּבֹא הַסֵּפֶ..."

2026-01-20T14:56:33Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' וּלְאַחְאָב שִׁבְעִים בָּנִים בְּשֹׁמְרוֹן, וַיִּכְתֹּב יֵהוּא סְפָרִים וַיִּשְׁלַח שֹׁמְרוֹן אֶל שָׂרֵי יִזְרְעֶאל הַזְּקֵנִים וְאֶל הָאֹמְנִים אַחְאָב לֵאמֹר: '''{{עוגן|פסוק ב|ב:}}''' וְעַתָּה כְּבֹא הַסֵּפֶ..."

דף חדש

{{יישור טקסט|שני הצדדים|
'''{{עוגן|פסוק א|א:}}''' וּלְאַחְאָב שִׁבְעִים בָּנִים בְּשֹׁמְרוֹן, וַיִּכְתֹּב יֵהוּא סְפָרִים וַיִּשְׁלַח שֹׁמְרוֹן אֶל שָׂרֵי יִזְרְעֶאל הַזְּקֵנִים וְאֶל הָאֹמְנִים אַחְאָב לֵאמֹר:

'''{{עוגן|פסוק ב|ב:}}''' וְעַתָּה כְּבֹא הַסֵּפֶר הַזֶּה אֲלֵיכֶם וְאִתְּכֶם בְּנֵי אֲדֹנֵיכֶם, וְאִתְּכֶם הָרֶכֶב וְהַסּוּסִים וְעִיר מִבְצָר וְהַנָּשֶׁק:

'''{{עוגן|פסוק ג|ג:}}''' וּרְאִיתֶם הַטּוֹב וְהַיָּשָׁר מִבְּנֵי אֲדֹנֵיכֶם וְשַׂמְתֶּם עַל כִּסֵּא אָבִיו, וְהִלָּחֲמוּ עַל בֵּית אֲדֹנֵיכֶם:

'''{{עוגן|פסוק ד|ד:}}''' וַיִּרְאוּ מְאֹד מְאֹד וַיֹּאמְרוּ הִנֵּה שְׁנֵי הַמְּלָכִים לֹא עָמְדוּ לְפָנָיו, וְאֵיךְ נַעֲמֹד אֲנָחְנוּ:

'''{{עוגן|פסוק ה|ה:}}''' וַיִּשְׁלַח אֲשֶׁר עַל הַבַּיִת וַאֲשֶׁר עַל הָעִיר וְהַזְּקֵנִים וְהָאֹמְנִים אֶל יֵהוּא לֵאמֹר עֲבָדֶיךָ אֲנַחְנוּ וְכֹל אֲשֶׁר תֹּאמַר אֵלֵינוּ נַעֲשֶׂה, לֹא נַמְלִךְ אִישׁ הַטּוֹב בְּעֵינֶיךָ עֲשֵׂה:

'''{{עוגן|פסוק ו|ו:}}''' וַיִּכְתֹּב אֲלֵיהֶם סֵפֶר שֵׁנִית לֵאמֹר אִם לִי אַתֶּם וּלְקֹלִי אַתֶּם שֹׁמְעִים קְחוּ אֶת רָאשֵׁי אַנְשֵׁי בְנֵי אֲדֹנֵיכֶם וּבֹאוּ אֵלַי כָּעֵת מָחָר יִזְרְעֶאלָה, וּבְנֵי הַמֶּלֶךְ שִׁבְעִים אִישׁ אֶת גְּדֹלֵי הָעִיר מְגַדְּלִים אוֹתָם:

'''{{עוגן|פסוק ז|ז:}}''' וַיְהִי כְּבֹא הַסֵּפֶר אֲלֵיהֶם וַיִּקְחוּ אֶת בְּנֵי הַמֶּלֶךְ וַיִּשְׁחֲטוּ שִׁבְעִים אִישׁ, וַיָּשִׂימוּ אֶת רָאשֵׁיהֶם בַּדּוּדִים וַיִּשְׁלְחוּ אֵלָיו יִזְרְעֶאלָה:

'''{{עוגן|פסוק ח|ח:}}''' וַיָּבֹא הַמַּלְאָךְ וַיַּגֶּד לוֹ לֵאמֹר הֵבִיאוּ רָאשֵׁי בְנֵי הַמֶּלֶךְ, וַיֹּאמֶר שִׂימוּ אֹתָם שְׁנֵי צִבֻּרִים פֶּתַח הַשַּׁעַר עַד הַבֹּקֶר:

'''{{עוגן|פסוק ט|ט:}}''' וַיְהִי בַבֹּקֶר וַיֵּצֵא וַיַּעֲמֹד וַיֹּאמֶר אֶל כׇּל הָעָם צַדִּקִים אַתֶּם, הִנֵּה אֲנִי קָשַׁרְתִּי עַל אֲדֹנִי וָאֶהְרְגֵהוּ וּמִי הִכָּה אֶת כׇּל אֵלֶּה:

'''{{עוגן|פסוק י|י:}}''' דְּעוּ אֵפוֹא כִּי לֹא יִפֹּל מִדְּבַר יְ-הֹוָה אַרְצָה אֲשֶׁר דִּבֶּר יְ-הֹוָה עַל בֵּית אַחְאָב, וַי-הֹוָה עָשָׂה אֵת אֲשֶׁר דִּבֶּר בְּיַד עַבְדּוֹ אֵלִיָּהוּ:

'''{{עוגן|פסוק יא|יא:}}''' וַיַּךְ יֵהוּא אֵת כׇּל הַנִּשְׁאָרִים לְבֵית אַחְאָב בְּיִזְרְעֶאל וְכׇל גְּדֹלָיו וּמְיֻדָּעָיו וְכֹהֲנָיו, עַד בִּלְתִּי הִשְׁאִיר לוֹ שָׂרִיד:

'''{{עוגן|פסוק יב|יב:}}''' וַיָּקׇם וַיָּבֹא וַיֵּלֶךְ שֹׁמְרוֹן, הוּא בֵּית עֵקֶד הָרֹעִים בַּדָּרֶךְ:

'''{{עוגן|פסוק יג|יג:}}''' וְיֵהוּא מָצָא אֶת אֲחֵי אֲחַזְיָהוּ מֶלֶךְ יְהוּדָה וַיֹּאמֶר מִי אַתֶּם, וַיֹּאמְרוּ אֲחֵי אֲחַזְיָהוּ אֲנַחְנוּ וַנֵּרֶד לִשְׁלוֹם בְּנֵי הַמֶּלֶךְ וּבְנֵי הַגְּבִירָה:

'''{{עוגן|פסוק יד|יד:}}''' וַיֹּאמֶר תִּפְשׂוּם חַיִּים וַיִּתְפְּשׂוּם חַיִּים, וַיִּשְׁחָטוּם אֶל בּוֹר בֵּית עֵקֶד אַרְבָּעִים וּשְׁנַיִם אִישׁ וְלֹא הִשְׁאִיר אִישׁ מֵהֶם:

'''{{עוגן|פסוק טו|טו:}}''' וַיֵּלֶךְ מִשָּׁם וַיִּמְצָא אֶת יְהוֹנָדָב בֶּן רֵכָב לִקְרָאתוֹ וַיְבָרְכֵהוּ וַיֹּאמֶר אֵלָיו הֲיֵשׁ אֶת לְבָבְךָ יָשָׁר כַּאֲשֶׁר לְבָבִי עִם לְבָבֶךָ וַיֹּאמֶר יְהוֹנָדָב יֵשׁ וָיֵשׁ תְּנָה אֶת יָדֶךָ, וַיִּתֵּן יָדוֹ וַיַּעֲלֵהוּ אֵלָיו אֶל הַמֶּרְכָּבָה:

'''{{עוגן|פסוק טז|טז:}}''' וַיֹּאמֶר לְכָה אִתִּי וּרְאֵה בְּקִנְאָתִי לַי-הֹוָה, וַיַּרְכִּבוּ אֹתוֹ בְּרִכְבּוֹ:

'''{{עוגן|פסוק יז|יז:}}''' וַיָּבֹא שֹׁמְרוֹן וַיַּךְ אֶת כׇּל הַנִּשְׁאָרִים לְאַחְאָב בְּשֹׁמְרוֹן עַד הִשְׁמִדוֹ, כִּדְבַר יְ-הֹוָה אֲשֶׁר דִּבֶּר אֶל אֵלִיָּהוּ:

'''{{עוגן|פסוק יח|יח:}}''' וַיִּקְבֹּץ יֵהוּא אֶת כׇּל הָעָם וַיֹּאמֶר אֲלֵהֶם אַחְאָב עָבַד אֶת הַבַּעַל מְעָט, יֵהוּא יַעַבְדֶנּוּ הַרְבֵּה:

'''{{עוגן|פסוק יט|יט:}}''' וְעַתָּה כׇל נְבִיאֵי הַבַּעַל כׇּל עֹבְדָיו וְכׇל כֹּהֲנָיו קִרְאוּ אֵלַי אִישׁ אַל יִפָּקֵד כִּי זֶבַח גָּדוֹל לִי לַבַּעַל כֹּל אֲשֶׁר יִפָּקֵד לֹא יִחְיֶה, וְיֵהוּא עָשָׂה בְעׇקְבָּה לְמַעַן הַאֲבִיד אֶת עֹבְדֵי הַבָּעַל:

'''{{עוגן|פסוק כ|כ:}}''' וַיֹּאמֶר יֵהוּא קַדְּשׁוּ עֲצָרָה לַבַּעַל וַיִּקְרָאוּ:

'''{{עוגן|פסוק כא|כא:}}''' וַיִּשְׁלַח יֵהוּא בְּכׇל יִשְׂרָאֵל וַיָּבֹאוּ כׇּל עֹבְדֵי הַבַּעַל וְלֹא נִשְׁאַר אִישׁ אֲשֶׁר לֹא בָא, וַיָּבֹאוּ בֵּית הַבַּעַל וַיִּמָּלֵא בֵית הַבַּעַל פֶּה לָפֶה:

'''{{עוגן|פסוק כב|כב:}}''' וַיֹּאמֶר לַאֲשֶׁר עַל הַמֶּלְתָּחָה הוֹצֵא לְבוּשׁ לְכֹל עֹבְדֵי הַבָּעַל, וַיֹּצֵא לָהֶם הַמַּלְבּוּשׁ:

'''{{עוגן|פסוק כג|כג:}}''' וַיָּבֹא יֵהוּא וִיהוֹנָדָב בֶּן רֵכָב בֵּית הַבָּעַל, וַיֹּאמֶר לְעֹבְדֵי הַבַּעַל חַפְּשׂוּ וּרְאוּ פֶּן יֶשׁ פֹּה עִמָּכֶם מֵעַבְדֵי יְ-הֹוָה כִּי אִם עֹבְדֵי הַבַּעַל לְבַדָּם:

'''{{עוגן|פסוק כד|כד:}}''' וַיָּבֹאוּ לַעֲשׂוֹת זְבָחִים וְעֹלוֹת, וְיֵהוּא שָׂם לוֹ בַחוּץ שְׁמֹנִים אִישׁ וַיֹּאמֶר הָאִישׁ אֲשֶׁר יִמָּלֵט מִן הָאֲנָשִׁים אֲשֶׁר אֲנִי מֵבִיא עַל יְדֵיכֶם נַפְשׁוֹ תַּחַת נַפְשׁוֹ:

'''{{עוגן|פסוק כה|כה:}}''' וַיְהִי כְּכַלֹּתוֹ לַעֲשׂוֹת הָעֹלָה וַיֹּאמֶר יֵהוּא לָרָצִים וְלַשָּׁלִשִׁים בֹּאוּ הַכּוּם אִישׁ אַל יֵצֵא וַיַּכּוּם לְפִי חָרֶב, וַיַּשְׁלִכוּ הָרָצִים וְהַשָּׁלִשִׁים וַיֵּלְכוּ עַד עִיר בֵּית הַבָּעַל:

'''{{עוגן|פסוק כו|כו:}}''' וַיֹּצִאוּ אֶת מַצְּבוֹת בֵּית הַבַּעַל וַיִּשְׂרְפוּהָ:

'''{{עוגן|פסוק כז|כז:}}''' וַיִּתְּצוּ אֵת מַצְּבַת הַבָּעַל, וַיִּתְּצוּ אֶת בֵּית הַבַּעַל וַיְשִׂמֻהוּ למחראות לְמוֹצָאוֹת עַד הַיּוֹם:

'''{{עוגן|פסוק כח|כח:}}''' וַיַּשְׁמֵד יֵהוּא אֶת הַבַּעַל מִיִּשְׂרָאֵל:

'''{{עוגן|פסוק כט|כט:}}''' רַק חֲטָאֵי יָרׇבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל לֹא סָר יֵהוּא מֵאַחֲרֵיהֶם, עֶגְלֵי הַזָּהָב אֲשֶׁר בֵּית אֵל וַאֲשֶׁר בְּדָן:

'''{{עוגן|פסוק ל|ל:}}''' וַיֹּאמֶר יְ-הֹוָה אֶל יֵהוּא יַעַן אֲשֶׁר הֱטִיבֹתָ לַעֲשׂוֹת הַיָּשָׁר בְּעֵינַי כְּכֹל אֲשֶׁר בִּלְבָבִי עָשִׂיתָ לְבֵית אַחְאָב, בְּנֵי רְבִעִים יֵשְׁבוּ לְךָ עַל כִּסֵּא יִשְׂרָאֵל:

'''{{עוגן|פסוק לא|לא:}}''' וְיֵהוּא לֹא שָׁמַר לָלֶכֶת בְּתוֹרַת יְ-הֹוָה אֱ-לֹהֵי יִשְׂרָאֵל בְּכׇל לְבָבוֹ, לֹא סָר מֵעַל חַטֹּאות יָרׇבְעָם אֲשֶׁר הֶחֱטִיא אֶת יִשְׂרָאֵל:

'''{{עוגן|פסוק לב|לב:}}''' בַּיָּמִים הָהֵם הֵחֵל יְ-הֹוָה לְקַצּוֹת בְּיִשְׂרָאֵל, וַיַּכֵּם חֲזָאֵל בְּכׇל גְּבוּל יִשְׂרָאֵל:

'''{{עוגן|פסוק לג|לג:}}''' מִן הַיַּרְדֵּן מִזְרַח הַשֶּׁמֶשׁ אֵת כׇּל אֶרֶץ הַגִּלְעָד הַגָּדִי וְהָראוּבֵנִי וְהַמְנַשִּׁי, מֵעֲרֹעֵר אֲשֶׁר עַל נַחַל אַרְנֹן וְהַגִּלְעָד וְהַבָּשָׁן:

'''{{עוגן|פסוק לד|לד:}}''' וְיֶתֶר דִּבְרֵי יֵהוּא וְכׇל אֲשֶׁר עָשָׂה וְכׇל גְּבוּרָתוֹ, הֲלוֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יִשְׂרָאֵל:

'''{{עוגן|פסוק לה|לה:}}''' וַיִּשְׁכַּב יֵהוּא עִם אֲבֹתָיו וַיִּקְבְּרוּ אֹתוֹ בְּשֹׁמְרוֹן, וַיִּמְלֹךְ יְהוֹאָחָז בְּנוֹ תַּחְתָּיו:

'''{{עוגן|פסוק לו|לו:}}''' וְהַיָּמִים אֲשֶׁר מָלַךְ יֵהוּא עַל יִשְׂרָאֵל עֶשְׂרִים וּשְׁמֹנֶה שָׁנָה בְּשֹׁמְרוֹן:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים ב פרק י - היסטוריית גרסאות