נסיעה לרבי: יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בְּיָמָיו עָלָה נְבֻכַדְנֶאצַּר מֶלֶךְ בָּבֶל, וַיְהִי לוֹ יְהוֹיָקִים עֶבֶד שָׁלֹשׁ שָׁנִים וַיָּשׇׁב וַיִּמְרׇד בּוֹ: '''{{עוגן|פסוק ב|ב:}}''' וַיְשַׁלַּח יְ-הֹוָה בּוֹ אֶת גְּדוּדֵי כַשְׂ-דִּים וְאֶת גְּדוּדֵ..."

2026-01-20T15:09:03Z

יצירת דף עם התוכן "{{יישור טקסט|שני הצדדים| '''{{עוגן|פסוק א|א:}}''' בְּיָמָיו עָלָה נְבֻכַדְנֶאצַּר מֶלֶךְ בָּבֶל, וַיְהִי לוֹ יְהוֹיָקִים עֶבֶד שָׁלֹשׁ שָׁנִים וַיָּשׇׁב וַיִּמְרׇד בּוֹ: '''{{עוגן|פסוק ב|ב:}}''' וַיְשַׁלַּח יְ-הֹוָה בּוֹ אֶת גְּדוּדֵי כַשְׂ-דִּים וְאֶת גְּדוּדֵ..."

דף חדש

{{יישור טקסט|שני הצדדים|
'''{{עוגן|פסוק א|א:}}''' בְּיָמָיו עָלָה נְבֻכַדְנֶאצַּר מֶלֶךְ בָּבֶל, וַיְהִי לוֹ יְהוֹיָקִים עֶבֶד שָׁלֹשׁ שָׁנִים וַיָּשׇׁב וַיִּמְרׇד בּוֹ:

'''{{עוגן|פסוק ב|ב:}}''' וַיְשַׁלַּח יְ-הֹוָה בּוֹ אֶת גְּדוּדֵי כַשְׂ-דִּים וְאֶת גְּדוּדֵי אֲרָם וְאֵת גְּדוּדֵי מוֹאָב וְאֵת גְּדוּדֵי בְנֵי עַמּוֹן וַיְשַׁלְּחֵם בִּיהוּדָה לְהַאֲבִידוֹ, כִּדְבַר יְ-הֹוָה אֲשֶׁר דִּבֶּר בְּיַד עֲבָדָיו הַנְּבִיאִים:

'''{{עוגן|פסוק ג|ג:}}''' אַךְ עַל פִּי יְ-הֹוָה הָיְתָה בִּיהוּדָה לְהָסִיר מֵעַל פָּנָיו, בְּחַטֹּאת מְנַשֶּׁה כְּכֹל אֲשֶׁר עָשָׂה:

'''{{עוגן|פסוק ד|ד:}}''' וְגַם דַּם הַנָּקִי אֲשֶׁר שָׁפָךְ וַיְמַלֵּא אֶת יְרוּשָׁלַ͏ִם דָּם נָקִי, וְלֹא אָבָה יְ-הֹוָה לִסְלֹחַ:

'''{{עוגן|פסוק ה|ה:}}''' וְיֶתֶר דִּבְרֵי יְהוֹיָקִים וְכׇל אֲשֶׁר עָשָׂה, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה:

'''{{עוגן|פסוק ו|ו:}}''' וַיִּשְׁכַּב יְהוֹיָקִים עִם אֲבֹתָיו, וַיִּמְלֹךְ יְהוֹיָכִין בְּנוֹ תַּחְתָּיו:

'''{{עוגן|פסוק ז|ז:}}''' וְלֹא הֹסִיף עוֹד מֶלֶךְ מִצְרַיִם לָצֵאת מֵאַרְצוֹ, כִּי לָקַח מֶלֶךְ בָּבֶל מִנַּחַל מִצְרַיִם עַד נְהַר פְּרָת כֹּל אֲשֶׁר הָיְתָה לְמֶלֶךְ מִצְרָיִם:

'''{{עוגן|פסוק ח|ח:}}''' בֶּן שְׁמֹנֶה עֶשְׂרֵה שָׁנָה יְהוֹיָכִין בְּמׇלְכוֹ וּשְׁלֹשָׁה חֳדָשִׁים מָלַךְ בִּירוּשָׁלָ͏ִם, וְשֵׁם אִמּוֹ נְחֻשְׁתָּא בַת אֶלְנָתָן מִירוּשָׁלָ͏ִם:

'''{{עוגן|פסוק ט|ט:}}''' וַיַּעַשׂ הָרַע בְּעֵינֵי יְ-הֹוָה, כְּכֹל אֲשֶׁר עָשָׂה אָבִיו:

'''{{עוגן|פסוק י|י:}}''' בָּעֵת הַהִיא עלה עָלוּ עַבְדֵי נְבֻכַדְנֶאצַּר מֶלֶךְ בָּבֶל יְרוּשָׁלָ͏ִם, וַתָּבֹא הָעִיר בַּמָּצוֹר:

'''{{עוגן|פסוק יא|יא:}}''' וַיָּבֹא נְבֻכַדְנֶאצַּר מֶלֶךְ בָּבֶל עַל הָעִיר, וַעֲבָדָיו צָרִים עָלֶיהָ:

'''{{עוגן|פסוק יב|יב:}}''' וַיֵּצֵא יְהוֹיָכִין מֶלֶךְ יְהוּדָה עַל מֶלֶךְ בָּבֶל הוּא וְאִמּוֹ וַעֲבָדָיו וְשָׂרָיו וְסָרִיסָיו, וַיִּקַּח אֹתוֹ מֶלֶךְ בָּבֶל בִּשְׁנַת שְׁמֹנֶה לְמׇלְכוֹ:

'''{{עוגן|פסוק יג|יג:}}''' וַיּוֹצֵא מִשָּׁם אֶת כׇּל אוֹצְרוֹת בֵּית יְ-הֹוָה וְאוֹצְרוֹת בֵּית הַמֶּלֶךְ, וַיְקַצֵּץ אֶת כׇּל כְּלֵי הַזָּהָב אֲשֶׁר עָשָׂה שְׁלֹמֹה מֶלֶךְ יִשְׂרָאֵל בְּהֵיכַל יְ-הֹוָה כַּאֲשֶׁר דִּבֶּר יְ-הֹוָה:

'''{{עוגן|פסוק יד|יד:}}''' וְהִגְלָה אֶת כׇּל יְרוּשָׁלַ͏ִם וְאֶת כׇּל הַשָּׂרִים וְאֵת כׇּל גִּבּוֹרֵי הַחַיִל עשרה עֲשֶׂרֶת אֲלָפִים גּוֹלֶה וְכׇל הֶחָרָשׁ וְהַמַּסְגֵּר, לֹא נִשְׁאַר זוּלַת דַּלַּת עַם הָאָרֶץ:

'''{{עוגן|פסוק טו|טו:}}''' וַיֶּגֶל אֶת יְהוֹיָכִין בָּבֶלָה, וְאֶת אֵם הַמֶּלֶךְ וְאֶת נְשֵׁי הַמֶּלֶךְ וְאֶת סָרִיסָיו וְאֵת אולי אֵילֵי הָאָרֶץ הוֹלִיךְ גּוֹלָה מִירוּשָׁלַ͏ִם בָּבֶלָה:

'''{{עוגן|פסוק טז|טז:}}''' וְאֵת כׇּל אַנְשֵׁי הַחַיִל שִׁבְעַת אֲלָפִים וְהֶחָרָשׁ וְהַמַּסְגֵּר אֶלֶף הַכֹּל גִּבּוֹרִים עֹשֵׂי מִלְחָמָה, וַיְבִיאֵם מֶלֶךְ בָּבֶל גּוֹלָה בָּבֶלָה:

'''{{עוגן|פסוק יז|יז:}}''' וַיַּמְלֵךְ מֶלֶךְ בָּבֶל אֶת מַתַּנְיָה דֹדוֹ תַּחְתָּיו, וַיַּסֵּב אֶת שְׁמוֹ צִדְקִיָּהוּ:

'''{{עוגן|פסוק יח|יח:}}''' בֶּן עֶשְׂרִים וְאַחַת שָׁנָה צִדְקִיָּהוּ בְמׇלְכוֹ וְאַחַת עֶשְׂרֵה שָׁנָה מָלַךְ בִּירוּשָׁלָ͏ִם, וְשֵׁם אִמּוֹ חמיטל חֲמוּטַל בַּת יִרְמְיָהוּ מִלִּבְנָה:

'''{{עוגן|פסוק יט|יט:}}''' וַיַּעַשׂ הָרַע בְּעֵינֵי יְ-הֹוָה, כְּכֹל אֲשֶׁר עָשָׂה יְהוֹיָקִים:

'''{{עוגן|פסוק כ|כ:}}''' כִּי עַל אַף יְ-הֹוָה הָיְתָה בִירוּשָׁלַ͏ִם וּבִיהוּדָה עַד הִשְׁלִכוֹ אֹתָם מֵעַל פָּנָיו, וַיִּמְרֹד צִדְקִיָּהוּ בְּמֶלֶךְ בָּבֶל:
}}

<noinclude>[[קטגוריה:תבניות ספר מלכים]]</noinclude>

תבנית:ספר מלכים/מלכים ב פרק כד - היסטוריית גרסאות