בראשית יא

גרסה מ־20:38, 21 באוגוסט 2025 מאת ש. א. (שיחה | תרומות) (הפעיל הגנה על הדף "בראשית פרק יא": הדף מושלם ולא אמורים לעשות בו שינויים ([עריכה=רק מפעילי מערכת מורשים] (בלתי מוגבלת בזמן) [העברה=רק מפעילי מערכת מורשים] (בלתי מוגבלת בזמן)))
בראשית
בראשית
א • ב • ג • ד • ה • ו (פסוקים א־ח)
נח
ו (פסוקים ט־כב) • ז • ח • ט • י • יא
לך לך
יב • יג • יד • טו • טז • יז
וירא
יח • יט • כ • כא • כב
חיי שרה
כג • כד • כה (פסוקים א־יח)
תולדות
כה (פסוקים יט־לד) • כו • כז • כח (פסוקים א־י)
ויצא
כח (פסוקים יא־כב) • כט • ל • לא • לב (פסוקים א־ב)
וישלח
לב (פסוקים ג־לג) • לג • לד • לה • לו
וישב
לז • לח • לט • מ
מקץ
מא • מב • מג • מד (פסוקים א־יז)
ויגש
מד (פסוקים יח־לד) • מה • מו • מז (פסוקים א־כז)
ויחי
מז (פסוקים כח־לא) • מח • מט • נ
תוכן העניינים
גוף הפרק
מקראות גדולות   

פרק יא

א: וַיְהִי כָל הָאָרֶץ שָׂפָה אֶחָת וּדְבָרִים אֲחָדִים:

ב: וַיְהִי בְּנָסְעָם מִקֶּדֶם וַיִּמְצְאוּ בִקְעָה בְּאֶרֶץ שִׁנְעָר וַיֵּשְׁבוּ שָׁם:

ג: וַיֹּאמְרוּ אִישׁ אֶל רֵעֵהוּ הָבָה נִלְבְּנָה לְבֵנִים וְנִשְׂרְפָה לִשְׂרֵפָה וַתְּהִי לָהֶם הַלְּבֵנָה לְאָבֶן וְהַחֵמָר הָיָה לָהֶם לַחֹמֶר:

ד: וַיֹּאמְרוּ הָבָה נִבְנֶה לָּנוּ עִיר וּמִגְדָּל וְרֹאשׁוֹ בַשָּׁמַיִם וְנַעֲשֶׂה לָּנוּ שֵׁם פֶּן נָפוּץ עַל פְּנֵי כָל הָאָרֶץ:

ה: וַיֵּרֶד ה' לִרְאֹת אֶת הָעִיר וְאֶת הַמִּגְדָּל אֲשֶׁר בָּנוּ בְנֵי הָאָדָם:

ו: וַיֹּאמֶר ה' הֵן עַם אֶחָד וְשָׂפָה אַחַת לְכֻלָּם וְזֶה הַחִלָּם לַעֲשׂוֹת וְעַתָּה לֹא יִבָּצֵר מֵהֶם כֹּל אֲשֶׁר יָזְמוּ לַעֲשׂוֹת:

ז: הָבָה נֵרְדָה וְנַבְלְשָׁה שָׂם שְׂפָתָם אֲשֶׁר לֹא יִשְׁמְעוּ אִישׁ שְׂפַת רֵעֵהוּ:

ח: וַיָּפֶץ ה' אֹתָם מִשָּׁם עַל פְּנֵי כָל הָאָרֶץ וַיַּחְדְּלוּ לִבְנֹת הָעִיר:

ט: עַל כֵּן קָרָא שְׁמָהּ בָּבֶל כִּי שָׁם בָּלַל ה' שְׂפַת כָּל הָאָרֶץ וּמִשָּׁם הֱפִיצָם ה' עַל פְּנֵי כָל הָאָרֶץ:

י: אֵלֶּה תּוֹלְדֹת שֵׁם שֵׁם בֶּן מְאַת שָׁנָה וַיּוֹלֶד אֶת אַרְפַּכְשַׁד שְׁנָתַיִם אַחַר הַמַּבּוּל:

יא: וַיְחִי שֵׁם אַחֲרֵי הוֹלִידוֹ אֶת אַרְפַּכְשַׁד חֲמֵשׁ מֵאוֹת שָׁנָה וַיּוֹלֶד בָּנִים וּבָנוֹת:

יב: וְאַרְפַּכְשַׁד חַי חָמֵשׁ וּשְׁלֹשִׁים שָׁנָה וַיּוֹלֶד אֶת שָׁלַח:

יג: וַיְחִי אַרְפַּכְשַׁד אַחֲרֵי הוֹלִידוֹ אֶת שָׁלַח אַרְבָּעִים וּשְׁלֹשׁ מֵאוֹת שָׁנָה וַיּוֹלֶד בָּנִים וּבָנוֹת:

יד: וַיְחִי שָׁלַח שְׁלֹשִׁים שָׁנָה וַיּוֹלֶד אֶת עֵבֶר:

טו: וַיְחִי שָׁלַח אַחֲרֵי הוֹלִידוֹ אֶת עֵבֶר אַרְבָּעִים וּשְׁלֹשׁ מֵאוֹת שָׁנָה וַיּוֹלֶד בָּנִים וּבָנוֹת:

טז: וַיְחִי עֵבֶר אַרְבָּעִים וּשְׁלֹשׁ שָׁנָה וַיּוֹלֶד אֶת פֶּלֶג:

יז: וַיְחִי עֵבֶר אַחֲרֵי הוֹלִידוֹ אֶת פֶּלֶג שְׁאַרְבָּעִים וְאַרְבַּע מֵאוֹת שָׁנָה וַיּוֹלֶד בָּנִים וּבָנוֹת:

יח: וַיְחִי פֶּלֶג שְׁלֹשִׁים שָׁנָה וַיּוֹלֶד אֶת רְעוּ:

יט: וַיְחִי פֶּלֶג אַחֲרֵי הוֹלִידוֹ אֶת רְעוּ תְּשַׁע מֵאוֹת שָׁנָה וּתְשַׁע שָׁנִים וַיּוֹלֶד בָּנִים וּבָנוֹת:

כ: וַיְחִי רְעוּ שְׁלֹשִׁים וּשְׁתַּיִם שָׁנָה וַיּוֹלֶד אֶת שְׂרוּג:

כא: וַיְחִי רְעוּ אַחֲרֵי הוֹלִידוֹ אֶת שְׂרוּג שֶׁבַע מֵאוֹת שָׁנָה וַיּוֹלֶד בָּנִים וּבָנוֹת:

כב: וַיְחִי שְׂרוּג שְׁלֹשִׁים שָׁנָה וַיּוֹלֶד אֶת נָחוֹר:

כג: וַיְחִי שְׂרוּג אַחֲרֵי הוֹלִידוֹ אֶת נָחוֹר מָאתַיִם שָׁנָה וַיּוֹלֶד בָּנִים וּבָנוֹת:

כד: וַיְחִי נָחוֹר תְּשַׁע וְעֶשְׂרִים שָׁנָה וַיּוֹלֶד אֶת תֶּרַח:

כה: וַיְחִי נָחוֹר אַחֲרֵי הוֹלִידוֹ אֶת תֶּרַח מְאַת וּתְשַׁע עֶשְׂרֵה שָׁנָה וַיּוֹלֶד בָּנִים וּבָנוֹת:

כו: וַיְחִי תֶּרַח שִׁבְעִים שָׁנָה וַיּוֹלֶד אֶת אַבְרָם אֶת נָחוֹר וְאֶת הָרָן:

כז: וְאֵלֶּה תּוֹלְדֹת תֶּרַח תֶּרַח הוֹלִיד אֶת אַבְרָם אֶת נָחוֹר וְאֶת הָרָן וְהָרָן הוֹלִיד אֶת לוֹט:

כח: וַיָּמָת הָרָן עַל פְּנֵי תֶּרַח אָבִיו בְּאֶרֶץ מוֹלַדְתּוֹ בְּאוּר כַּשְׂדִּים:

כט: וַיִּקַּח אַבְרָם וְנָחוֹר לָהֶם נָשִׁים שֵׁם אֵשֶׁת אַבְרָם שָׂרָי וְשֵׁם אֵשֶׁת נָחוֹר מִלְכָּה בַּת הָרָן אֲבִי מִלְכָּה וַאֲבִי יִסְכָּה:

ל: וַתְּהִי שָׂרַי עֲקָרָה אֵין לָהּ וָלָד:

לא: וַיִּקַּח תֶּרַח אֶת אַבְרָם בְּנוֹ וְאֶת לוֹט בֶּן הָרָן בֶּן בְּנוֹ וְאֶת שָׂרַי כַלָּתוֹ אֵשֶׁת אַבְרָם בְּנוֹ וַיֵּצְאוּ אִתָּם מֵאוּר כַּשְׂדִּים לָלֶכֶת אַרְצָה כְּנַעַן וַיָּבֹאוּ עַד חָרָן וַיֵּשְׁבוּ שָׁם:

לב: וַיִּהְיוּ יְמֵי תֶּרַח חָמֵשׁ שָׁנִים וּמָאתַיִם שָׁנָה וַיָּמָת תֶּרַח בְּחָרָן:

מקראות גדולות (ע"פ א"ב)

אבן עזרא | אברבנאל | אור החיים | בעל הטורים | כלי יקר | מלבי"ם | מצודת דוד | מצודת ציון | רבי יוסף קרא | רד"ק | רלב"ג | רמב"ן | רשב"ם | רש"י | תולדות אהרן | תרגום יונתן | תרגום אונקלוס

אבן עזרא


אברבנאל


אור החיים


בעל הטורים


כלי יקר


מלבי"ם


מצודת דוד


מצודת ציון


רבי יוסף קרא


רד"ק


רלב"ג


רמב"ן


רשב"ם


רש"י


תולדות אהרן


תרגום יונתן


תרגום אונקלוס