משלי טז

מתוך חב"דטקסט, מאגר טקסטים חב"דים חופשיים
קפיצה לניווט קפיצה לחיפוש
משלי
א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא
תוכן העניינים
גוף הפרק
מקראות גדולות   

פרק טז

א: לְאָדָם מַעַרְכֵי לֵב וּמֵיְ-הֹוָה מַעֲנֵה לָשׁוֹן:

ב: כׇּל דַּרְכֵי אִישׁ זַךְ בְּעֵינָיו וְתֹכֵן רוּחוֹת יְ-הֹוָה:

ג: גֹּל אֶל יְ-הֹוָה מַעֲשֶׂיךָ וְיִכֹּנוּ מַחְשְׁבֹתֶיךָ:

ד: כֹּל פָּעַל יְ-הֹוָה לַמַּעֲנֵהוּ וְגַם רָשָׁע לְיוֹם רָעָה:

ה: תּוֹעֲבַת יְ-הֹוָה כׇּל גְּבַהּ לֵב יָד לְיָד לֹא יִנָּקֶה:

ו: בְּחֶסֶד וֶאֱמֶת יְכֻפַּר עָוֺן וּבְיִרְאַת יְ-הֹוָה סוּר מֵרָע:

ז: בִּרְצוֹת יְ-הֹוָה דַּרְכֵי אִישׁ גַּם אוֹיְבָיו יַשְׁלִם אִתּוֹ:

ח: טוֹב מְעַט בִּצְדָקָה מֵרֹב תְּבוּאוֹת בְּלֹא מִשְׁפָּט:

ט: לֵב אָדָם יְחַשֵּׁב דַּרְכּוֹ וַי-הֹוָה יָכִין צַעֲדוֹ:

י: קֶסֶם עַל שִׂפְתֵי מֶלֶךְ בְּמִשְׁפָּט לֹא יִמְעַל פִּיו:

יא: פֶּלֶס וּמֹאזְנֵי מִשְׁפָּט לַי-הֹוָה מַעֲשֵׂהוּ כׇּל אַבְנֵי כִיס:

יב: תּוֹעֲבַת מְלָכִים עֲשׂוֹת רֶשַׁע כִּי בִצְדָקָה יִכּוֹן כִּסֵּא:

יג: רְצוֹן מְלָכִים שִׂפְתֵי צֶדֶק וְדֹבֵר יְשָׁרִים יֶאֱהָב:

יד: חֲמַת מֶלֶךְ מַלְאֲכֵי מָוֶת וְאִישׁ חָכָם יְכַפְּרֶנָּה:

טו: בְּאוֹר פְּנֵי מֶלֶךְ חַיִּים וּרְצוֹנוֹ כְּעָב מַלְקוֹשׁ:

טז: קְנֹה חׇכְמָה מַה טּוֹב מֵחָרוּץ וּקְנוֹת בִּינָה נִבְחָר מִכָּסֶף:

יז: מְסִלַּת יְשָׁרִים סוּר מֵרָע שֹׁמֵר נַפְשׁוֹ נֹצֵר דַּרְכּוֹ:

יח: לִפְנֵי שֶׁבֶר גָּאוֹן וְלִפְנֵי כִשָּׁלוֹן גֹּבַהּ רוּחַ:

יט: טוֹב שְׁפַל רוּחַ אֶת עֲנָוִים עניים מֵחַלֵּק שָׁלָל אֶת גֵּאִים:

כ: מַשְׂכִּיל עַל דָּבָר יִמְצָא טוֹב וּבוֹטֵחַ בַּי-הֹוָה אַשְׁרָיו:

כא: לַחֲכַם לֵב יִקָּרֵא נָבוֹן וּמֶתֶק שְׂפָתַיִם יֹסִיף לֶקַח:

כב: מְקוֹר חַיִּים שֵׂכֶל בְּעָלָיו וּמוּסַר אֱוִלִים אִוֶּלֶת:

כג: לֵב חָכָם יַשְׂכִּיל פִּיהוּ וְעַל שְׂפָתָיו יֹסִיף לֶקַח:

כד: צוּף דְּבַשׁ אִמְרֵי נֹעַם מָתוֹק לַנֶּפֶשׁ וּמַרְפֵּא לָעָצֶם:

כה: יֵשׁ דֶּרֶךְ יָשָׁר לִפְנֵי אִישׁ וְאַחֲרִיתָהּ דַּרְכֵי מָוֶת:

כו: נֶפֶשׁ עָמֵל עָמְלָה לּוֹ כִּי אָכַף עָלָיו פִּיהוּ:

כז: אִישׁ בְּלִיַּעַל כֹּרֶה רָעָה וְעַל שְׂפָתוֹ שפתיו כְּאֵשׁ צָרָבֶת:

כח: אִישׁ תַּהְפֻּכוֹת יְשַׁלַּח מָדוֹן וְנִרְגָּן מַפְרִיד אַלּוּף:

כט: אִישׁ חָמָס יְפַתֶּה רֵעֵהוּ וְהוֹלִיכוֹ בְּדֶרֶךְ לֹא טוֹב:

ל: עֹצֶה עֵינָיו לַחְשֹׁב תַּהְפֻּכוֹת קֹרֵץ שְׂפָתָיו כִּלָּה רָעָה:

לא: עֲטֶרֶת תִּפְאֶרֶת שֵׂיבָה בְּדֶרֶךְ צְדָקָה תִּמָּצֵא:

לב: טוֹב אֶרֶךְ אַפַּיִם מִגִּבּוֹר וּמֹשֵׁל בְּרוּחוֹ מִלֹּכֵד עִיר:

לג: בַּחֵיק יוּטַל אֶת הַגּוֹרָל וּמֵיְ-הֹוָה כׇּל מִשְׁפָּטוֹ:

מקראות גדולות (ע"פ א"ב)

אבן עזרא | מלבי"ם | מצודת דוד | מצודת ציון | רבי יוסף קרא | רבנו יונה | רד"ק | רלב"ג | רש"י | תולדות אהרן

אבן עזרא

תבנית:אבן עזרא/משלי טז

מלבי"ם

תבנית:מלבי"ם/משלי טז

מצודת דוד

תבנית:מצודת דוד/משלי טז

מצודת ציון

תבנית:מצודת ציון/משלי טז

רבי יוסף קרא

אין פירוש רבי יוסף קרא על פרק זה


רבנו יונה

תבנית:רבנו יונה/משלי טז

רד"ק

תבנית:רד"ק/משלי טז

רלב"ג

תבנית:רלב"ג/משלי טז

רש"י

תבנית:רש"י/משלי טז

תולדות אהרן

תבנית:תולדות אהרן/משלי טז