עריכת הדף "יחזקאל פרק כה"

{{יישור טקסט|שני הצדדים|
'''{{עוגן|פסוק א|א:}}''' וַיְהִי דְבַר יְ-הֹוָה אֵלַי לֵאמֹר:

'''{{עוגן|פסוק ב|ב:}}''' בֶּן אָדָם שִׂים פָּנֶיךָ אֶל בְּנֵי עַמּוֹן וְהִנָּבֵא עֲלֵיהֶם:

'''{{עוגן|פסוק ג|ג:}}''' וְאָמַרְתָּ לִבְנֵי עַמּוֹן שִׁמְעוּ דְּבַר אֲ-דֹנָי יֱ-הֹוִה כֹּה אָמַר אֲ-דֹנָי יֱ-הֹוִה יַעַן אׇמְרֵךְ הֶאָח אֶל מִקְדָּשִׁי כִי נִחָל וְאֶל אַדְמַת יִשְׂרָאֵל כִּי נָשַׁמָּה וְאֶל בֵּית יְהוּדָה כִּי הָלְכוּ בַּגּוֹלָה:

'''{{עוגן|פסוק ד|ד:}}''' לָכֵן הִנְנִי נֹתְנָךְ לִבְנֵי קֶדֶם לְמוֹרָשָׁה וְיִשְּׁבוּ טִירוֹתֵיהֶם בָּךְ וְנָתְנוּ בָךְ מִשְׁכְּנֵיהֶם הֵמָּה יֹאכְלוּ פִרְיֵךְ וְהֵמָּה יִשְׁתּוּ חֲלָבֵךְ:

'''{{עוגן|פסוק ה|ה:}}''' וְנָתַתִּי אֶת רַבָּה לִנְוֵה גְמַלִּים וְאֶת בְּנֵי עַמּוֹן לְמִרְבַּץ צֹאן וִידַעְתֶּם כִּי אֲנִי יְ-הֹוָה:

'''{{עוגן|פסוק ו|ו:}}''' כִּי כֹה אָמַר אֲ-דֹנָי יֱ-הֹוִה יַעַן מַחְאֲךָ יָד וְרַקְעֲךָ בְּרָגֶל וַתִּשְׂמַח בְּכׇל שָׁאטְךָ בְּנֶפֶשׁ אֶל אַדְמַת יִשְׂרָאֵל:

'''{{עוגן|פסוק ז|ז:}}''' לָכֵן הִנְנִי נָטִיתִי אֶת יָדִי עָלֶיךָ וּנְתַתִּיךָ לבג לְבַז לַגּוֹיִם וְהִכְרַתִּיךָ מִן הָעַמִּים וְהַאֲבַדְתִּיךָ מִן הָאֲרָצוֹת אַשְׁמִידְךָ וְיָדַעְתָּ כִּי אֲנִי יְ-הֹוָה:

'''{{עוגן|פסוק ח|ח:}}''' כֹּה אָמַר אֲ-דֹנָי יֱ-הֹוִה יַעַן אֲמֹר מוֹאָב וְשֵׂעִיר הִנֵּה כְּכׇל הַגּוֹיִם בֵּית יְהוּדָה:

'''{{עוגן|פסוק ט|ט:}}''' לָכֵן הִנְנִי פֹתֵחַ אֶת כֶּתֶף מוֹאָב מֵהֶעָרִים מֵעָרָיו מִקָּצֵהוּ צְבִי אֶרֶץ בֵּית הַיְשִׁימֹת בַּעַל מְעוֹן וקריתמה וְקִרְיָתָיְמָה:

'''{{עוגן|פסוק י|י:}}''' לִבְנֵי קֶדֶם עַל בְּנֵי עַמּוֹן וּנְתַתִּיהָ לְמוֹרָשָׁה לְמַעַן לֹא תִזָּכֵר בְּנֵי עַמּוֹן בַּגּוֹיִם:

'''{{עוגן|פסוק יא|יא:}}''' וּבְמוֹאָב אֶעֱשֶׂה שְׁפָטִים וְיָדְעוּ כִּי אֲנִי יְ-הֹוָה:

'''{{עוגן|פסוק יב|יב:}}''' כֹּה אָמַר אֲ-דֹנָי יֱ-הֹוִה יַעַן עֲשׂוֹת אֱדוֹם בִּנְקֹם נָקָם לְבֵית יְהוּדָה וַיֶּאְשְׁמוּ אָשׁוֹם וְנִקְּמוּ בָהֶם:

'''{{עוגן|פסוק יג|יג:}}''' לָכֵן כֹּה אָמַר אֲ-דֹנָי יֱ-הֹוִה וְנָטִתִי יָדִי עַל אֱדוֹם וְהִכְרַתִּי מִמֶּנָּה אָדָם וּבְהֵמָה וּנְתַתִּיהָ חׇרְבָּה מִתֵּימָן וּדְדָנֶה בַּחֶרֶב יִפֹּלוּ:

'''{{עוגן|פסוק יד|יד:}}''' וְנָתַתִּי אֶת נִקְמָתִי בֶּאֱדוֹם בְּיַד עַמִּי יִשְׂרָאֵל וְעָשׂוּ בֶאֱדוֹם כְּאַפִּי וְכַחֲמָתִי וְיָדְעוּ אֶת נִקְמָתִי נְאֻם אֲ-דֹנָי יֱ-הֹוִה:

'''{{עוגן|פסוק טו|טו:}}''' כֹּה אָמַר אֲ-דֹנָי יֱ-הֹוִה יַעַן עֲשׂוֹת פְּלִשְׁתִּים בִּנְקָמָה וַיִּנָּקְמוּ נָקָם בִּשְׁאָט בְּנֶפֶשׁ לְמַשְׁחִית אֵיבַת עוֹלָם:

'''{{עוגן|פסוק טז|טז:}}''' לָכֵן כֹּה אָמַר אֲ-דֹנָי יֱ-הֹוִה הִנְנִי נוֹטֶה יָדִי עַל פְּלִשְׁתִּים וְהִכְרַתִּי אֶת כְּרֵתִים וְהַאֲבַדְתִּי אֶת שְׁאֵרִית חוֹף הַיָּם:

'''{{עוגן|פסוק יז|יז:}}''' וְעָשִׂיתִי בָם נְקָמוֹת גְּדֹלוֹת בְּתוֹכְחוֹת חֵמָה וְיָדְעוּ כִּי אֲנִי יְ-הֹוָה בְּתִתִּי אֶת נִקְמָתִי בָּם:
}}

<noinclude>[[קטגוריה:תבניות ספר יחזקאל]]</noinclude>