הצגת המקור של הדף "תהלים פרק מז"

{{תהלים}}
'''א:''' לַמְנַצֵּחַ לִבְנֵי קֹרַח מִזְמוֹר.

'''ב:''' כָּל הָעַמִּים תִּקְעוּ כָף הָרִיעוּ לֵא-לֹהִים בְּקוֹל רִנָּה.

'''ג:''' כִּי ה' עֶלְיוֹן נוֹרָא מֶלֶךְ גָּדוֹל עַל כָּל הָאָרֶץ.

'''ד:''' יַדְבֵּר עַמִּים תַּחְתֵּינוּ וּלְאֻמִּים תַּחַת רַגְלֵינוּ.

'''ה:''' יִבְחַר לָנוּ אֶת נַחֲלָתֵנוּ אֶת גְּאוֹן יַעֲקֹב אֲשֶׁר אָהֵב סֶלָה.

'''ו:''' עָלָה אֱ-לֹהִים בִּתְרוּעָה ה' בְּקוֹל שׁוֹפָר.

'''ז:''' זַמְּרוּ אֱ-לֹהִים זַמֵּרוּ זַמְּרוּ לְמַלְכֵּנוּ זַמֵּרוּ.

'''ח:''' כִּי מֶלֶךְ כָּל הָאָרֶץ אֱ-לֹהִים זַמְּרוּ מַשְׂכִּיל.

'''ט:''' מָלַךְ אֱ-לֹהִים עַל גּוֹיִם אֱ-לֹהִים יָשַׁב עַל כִּסֵּא קָדְשׁוֹ.

'''י:''' נְדִיבֵי עַמִּים נֶאֱסָפוּ עַם אֱ-לֹהֵי אַבְרָהָם כִּי לֵא-לֹהִים מָגִנֵּי אֶרֶץ מְאֹד נַעֲלָה.

==קישורים חיצוניים==
*[https://chabadpedia.co.il/index.php/%D7%AA%D7%94%D7%9C%D7%99%D7%9D_%D7%9E%22%D7%96 תהלים מ"ז] {{חפ}}
*[https://beta.hebrewbooks.org/pdfpager.aspx?req=32596&st=&pgnum=58 תצלום המזמור מתוך תהלים אהל יוסף יצחק] {{הב}}

[[קטגוריה:תהלים]]