תהלים פרק ו: הבדלים בין גרסאות בדף

'''א:''' לַמְנַצֵּחַ בִּנְגִינוֹת עַל הַשְּׁמִינִית מִזְמוֹר לְדָוִד.

'''ב:''' ה' אַל בְּאַפְּךָ תוֹכִיחֵנִי וְאַל בַּחֲמָתְךָ תְיַסְּרֵנִי.

'''ג:''' חָנֵּנִי ה' כִּי אֻמְלַל אָנִי רְפָאֵנִי ה' כִּי נִבְהֲלוּ עֲצָמָי.

'''ד:''' וְנַפְשִׁי נִבְהֲלָה מְאֹד ואת (וְאַתָּה) ה' עַד מָתָי.

'''ה:''' שׁוּבָה ה' חַלְּצָה נַפְשִׁי וֽהשִׁיעֵנִי לְמַעַן חַסְדֶּךָ.

'''ו:''' כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה לָּךְ.

'''ז:''' יָגַעְתִּי בְּאַנְחָתִי אַשְׂחֶה בְכָל לַיְלָה מִטָּתִי בְּדִמְעָתִי עַרְשִׂי אַמְסֶה.

'''ח:''' עָשְׁשָׁה מִכַּעַס עֵינִי עָתְקָה בְּכָל צוֹרְרָי.

'''ט:''' סוּרוּ מִמֶּנִּי כָּל פֹּעֲלֵי אָוֶן כִּי שָׁמַע ה' קוֹל בִּכְיִי.

'''י:''' שָׁמַע ה' תְּחִנָּתִי ה' תְּפִלָּתִי יִקָּח.

'''יא:''' יֵבֹשׁוּ וְיִבָּהֲלוּ מְאֹד כָּל אֹיְבָי יָשֻׁבוּ יֵבֹשׁוּ רָגַע.

* [https://www.hebrewbooks.org/pdfpager.aspx?req=32596&st=&pgnum=11 תהלים פרק ו'] {{חפ}}

*[https://www.hebrewbooks.org/pdfpager.aspx?req=32596&st=&pgnum=7&hilite תצלום המזמור מתוך תהלים אהל יוסף יצחק] {{הב}}