תהלים פרק נ"ד
א: לַמְנַצֵּחַ בִּנְגִינֹת מַשְׂכִּיל לְדָוִד.
ב: בְּבֹא הַזִּיפִים וַיֹּאמְרוּ לְשָׁאוּל הֲלֹא דָוִד מִסְתַּתֵּר עִמָּנוּ.
ג: אֱלֹקים בְּשִׁמְךָ הוֹשִׁיעֵנִי וּבִגְבוּרָתְךָ תְדִינֵנִי.
ד: אֱלֹקים שְׁמַע תְּפִלָּתִי הַאֲזִינָה לְאִמְרֵי פִי.
ה: כִּי זָרִים קָמוּ עָלַי וְעָרִיצִים בִּקְשׁוּ נַפְשִׁי לֹא שָׂמוּ אֱלֹקים לְנֶגְדָּם סֶלָה.
ו: הִנֵּה אֱלֹהִים עֹזֵר לִי ה' בְּסֹמְכֵי נַפְשִׁי.
ז: יָשִׁיב הָרַע, לְשֹׁרְרָי בַּאֲמִתְּךָ, הַצְמִיתֵם.
ח: בִּנְדָבָה אֶזְבְּחָה-לָּךְ אוֹדֶה שִּׁמְךָ ה' כִּי- טוֹב.
ט: כִּי מִכָּל צָרָה הִצִּילָנִי וּבְאֹיְבַי רָאֲתָה עֵינִי.
