תהלים פרק קב: הבדלים בין גרסאות בדף

'''א:''' תְּפִלָּה לְעָנִי כִי יַעֲטֹף וְלִפְנֵי ה' יִשְׁפֹּךְ שִׂיחוֹ.{{ש}}

'''ב:'''  ה' שִׁמְעָה תְפִלָּתִי וְשַׁוְעָתִי אֵלֶיךָ תָבוֹא.{{ש}}

'''ג:'''  אַל תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה אֵלַי אָזְנֶךָ בְּיוֹם אֶקְרָא מַהֵר עֲנֵנִי.{{ש}}

'''ד:'''  כִּי כָלוּ בְעָשָׁן יָמָי וְעַצְמוֹתַי כְּמוֹקֵד נִחָרוּ.{{ש}}

'''ה:'''  הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכֹל לַחְמִי.{{ש}}

'''ו:'''  מִקּוֹל אַנְחָתִי דָּבְקָה עַצְמִי לִבְשָׂרִי.{{ש}}

'''ז:'''  דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת.{{ש}}

'''ח:'''  שָׁקַדְתִּי וָאֶהְיֶה כְּצִפּוֹר בּוֹדֵד עַל גָּג.{{ש}}

'''ט:'''  כָּל הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ.{{ש}}

'''י:'''  כִּי אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי.{{ש}}

'''יא:'''  מִפְּנֵי זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי.{{ש}}

'''יב:'''  יָמַי כְּצֵל נָטוּי וַאֲנִי כָּעֵשֶׂב אִיבָשׁ.{{ש}}

'''יג:'''  וְאַתָּה ה' לְעוֹלָם תֵּשֵׁב וְזִכְרְךָ לְדֹר וָדֹר.{{ש}}

'''יד:'''  אַתָּה תָקוּם תְּרַחֵם צִיּוֹן כִּי עֵת לְחֶנְנָהּ כִּי בָא מוֹעֵד.{{ש}}

'''טו:'''  כִּי רָצוּ עֲבָדֶיךָ אֶת אֲבָנֶיהָ וְאֶת עֲפָרָהּ יְחֹנֵנוּ.{{ש}}

'''טז:'''  וְיִירְאוּ גוֹיִם אֶת שֵׁם ה' וְכָל מַלְכֵי הָאָרֶץ אֶת כְּבוֹדֶךָ.{{ש}}

'''יז:'''  כִּי בָנָה ה' צִיּוֹן נִרְאָה בִּכְבוֹדוֹ.{{ש}}

'''יח:'''  פָּנָה אֶל תְּפִלַּת הָעַרְעָר וְלֹא בָזָה אֶת תְּפִלָּתָם.{{ש}}

'''יט:'''  תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל יָ-הּ.{{ש}}

'''כ:'''  כִּי הִשְׁקִיף מִמְּרוֹם קָדְשׁוֹ ה' מִשָּׁמַיִם אֶל אֶרֶץ הִבִּיט.{{ש}}

'''כא:'''  לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה.{{ש}}

'''כב:'''  לְסַפֵּר בְּצִיּוֹן שֵׁם ה' וּתְהִלָּתוֹ בִּירוּשָׁלָ‍ִם.{{ש}}

'''כג:'''  בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת ה'.{{ש}}

'''כד:'''  עִנָּה בַדֶּרֶךְ (כחו) כֹּחִי קִצַּר יָמָי.{{ש}}

'''כה:'''  אֹמַר אֵ-לִי אַל תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ.{{ש}}

'''כו:'''  לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם.{{ש}}

'''כז:'''  הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ.{{ש}}

'''כח:'''  וְאַתָּה הוּא וּשְׁנוֹתֶיךָ לֹא יִתָּמּוּ.{{ש}}

'''כט:'''  בְּנֵי עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן..

*[https://chabadpedia.co.il/index.php?title=%D7%AA%D7%94%D7%9C%D7%99%D7%9D_%D7%A7%22%D7%91&action=edit תהלים פרק ק"ב] {{חפ}}

*[https://www.hebrewbooks.org/pdfpager.aspx?req=32596&st=&pgnum=123[ [https://www.hebrewbooks.org/pdfpager.aspx?req=32596&st=&pgnum=124 תצלומי המזמור בתהלים אהל יוסף יצחק] {{הב}}